22:25 - 01 Oct, 2022
რეკლამა/ხელმოწერა
2022-09-23 17:29:54, 342 ნახვა

მსოფლიო
მედვედევი - შემოერთებული ტერიტორიების დასაცავად შესაძლოა გამოყენებული იქნას არა მხოლოდ მობილიზაცია, არამედ ნებისმიერი რუსული იარაღი

შემოერთებული ტერიტორიების დაცვისთვის შესაძლოა გამოყენებული იქნას არა მხოლოდ მობილიზაცია, არამედ ნებისმიერი რუსული იარაღი,- ამის შესახებ რუსეთის უშიშროების საბჭოს თავმჯდომარის მოადგილე, დიმიტრი მედვედევმა განაცხადა.

მისი თქმით, დასავლურ ისტაბლიშმენტმა და NATO-ს ქვეყნების ყველა მოქალაქემ უნდა გაიგოს, რომ რუსეთმა საკუთარი გზა აირჩია.

„21.09.22-ში უმაღლესი მთავარსარდლის გადაწყვეტილების რეზულტატი:

  1. რეფერენდუმები შედგება, დონბასის რესპუბლიკები და დანარჩენი ტერიტორიები რუსეთში იქნება მიღებული.
  2. შემოერთებული ტერიტორიების დაცვის გაძლიერება განხორციელებული იქნება რუსეთის შეიარაღებული ძალების მიერ.
  3. რუსეთმა გამოაცხადა, რომ ასეთი დაცვისთვის შესაძლოა გამოყენებული იქნას არა მხოლოდ მობილიზაციის შესაძლებლობა, არამედ ნებისმიერი რუსული იარაღი, სტრატეგიული ბირთვული და ახალი პრინციპების იარაღის ჩათვლით.

მაშასადამე, სხვადსხვა გადამდგარი იდიოტები, გენერლის ფორმებში, არ უნდა გვაშინებდნენ ყირიმზე NATO-ს იერიშებზე ლაპარაკით.

ჰიპერბგერა გარანტირებულად შეძლებს ევროპასა და აშშ-ში მიზნებზე უფრო სწრაფად მიღწევას.

დასავლურ ისტაბლიშმენტმა კი, ზოგადად, NATO-ს ქვეყნების ყველა მოქალაქემ უნდა გაიგოს, რომ რუსეთმა საკუთარი გზა აირჩია. უკან დასაბრუნებელი გზა არ არსებობს",- წერს მედვედევი. 

შეგახსენებთ, რომ 21 სექტემბერს რუსეთის პრეზიდენტმა, ვლადიმირ პუტინმა რუსეთში ნაწილობრივი მობილიზაცია გამოაცხადა. 

პუტინის თქმით, მობილიზაცია უკრაინის ოკუპირებულ ტერიტორიებზე „რეფერენდუმების“ უსაფრთხოდ ჩატარებას უკავშირდება და ითვალისწინებს თავდაცვის სამინისტროს რჩევას.

ამასთან, 20 სექტემბერს ცნობილი გახდა, რომ უკრაინის ოკუპირებულ ტერიტორიებზე, ლუგანსკის, დონეცკის, ზაპოროჟიესა და ხერსონის ოლქებში, 23-27 სექტემბერს რუსეთთან შეერთების „რეფერენდუმები“ ჩატარდება.

 

 

 

 




ავტორი: ექსპრესნიუსი,


სოციალური ქსელები
პოდოლიაკი რუსეთთან მოლაპარაკებებზე - აზრი არ აქვს მოლაპარაკებას მათთან, ვინც „ძვლებზე ცეკვავს“
კახა კალაძე თბილისში მყოფ დოჰას მერს შეხვდა
ჯუანშერ ბურჭულაძემ სამხედროებს უწყების ბიუჯეტის ზრდის შესახებ ინფორმაცია მიაწოდა
დღეიდან უკრაინისთვის აშშ-ის „ლენდ-ლიზის“ შესახებ კანონი ამოქმედდება

ომი უკრაინაში

ვიდეო/LIVE

„შინ ევროპისკენ“ - რუსთაველის გამზირზე აქცია მიმდინარეობს












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics