მგონი შეგვიძლია ერთი ღამე გავათენოთ აქ საკუთარი ქვეყნისთვის, იმიტომ რომ შეილება მერე ბევრი ღამის გათენება მოგვიწიოს სხვა ქვეყანაში, - ამის შესახებ აქცია "შინ ევროპისკენ" ორგანიზატორმა და სახალხო მოძრაობის "სირცხვილიას" წევრმა, შოთა დიღმელაშვილმა განაცხადა. 

დიღმელაშვილმა ასევე მოუწოდა ოპოზიციას, რომ სამოქმედო გეგმის აღსრულებისთვის მიაქციონ ყურადღება პარლამენტს. 

"გეგმას ეტაპობრივად გაგიმხელთ, იმიტომ რომ სრული გამხელა საფრთხეში აგდებს ამ გეგმის წარმატებას. ამიტომაც ნახევარ საათში გეტყვით გეგმის ერთ ნაწილს. ახლა რაც შემიძლია გითხრათ, რომ ხვალ დილით ხომ არის საქართველოს ერთიანი ეროვნული გამოცდები და ერთი ეროვნული გამოცდა უნდა ჩავაბაროთ აქაც და ეს გამოცდა იქნება დავრჩეთ აქ დილამდე, გავათიოთ ღამე და გეტყვით როგორ მივაღწევთ შედეგს. შეგიქმნით ყველა კომფორტს, რომ თქვენი აქ ყოფნა იყოს ადვილად გადასატანი, მაგრამ მგონი შეგვიძლია ერთი ღამე გავათენოთ აქ საკუთარი ქვეყნისთვის, იმიტომ რომ შეილება მერე ბევრი ღამის გათენება მოგვიწიოს სხვა ქვეყანაში.

ევროკავშირი ჩვენგან მოითხოვს 12 პუნქტის შესრულებას და ეს არის ის, რაც სჭირდება საქართველოს, რათა იყო შორს რუსული სფეროსგან, ახლოს ევროპულ ოჯახში.

მოვუწოდებ ოპოზიციას, მხოლოდ ამ სამოქმედო გეგმისთვის აღირსონ საკუთარი ყურადღება ამ პარლამენტს, მხოლოდ ამისთვის",- განაცხადა დიღმელაშვილმა. 

შეგახსენებთ, რომ რუსთაველის გამზირზე, აქცია „შინ ევროპისკენ“ მიმდინარეობს.  სამართალდამცავებმა რუსთაველის გამზირი გადაკეტეს.

დღეს პროტესტი ახალ ეტაპზე გადავა - აქციის მონაწილეების ნაწილი გეგმავს, რომ არ დაიშალოს და პარლამენტის წინ ღამე გაათენოს. 

აქციის ორგანიზატორები მოძრაობა "სირცხვილიაა" და "შინ ევროპისკენ" არიან.

ავტორი: ექსპრესნიუსი,

სოციალური ქსელები

აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ

დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]

სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ

სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება