იწყება ისტორიული კვირა, როდესაც ევროკავშირისგან მოვისმენთ უკრაინის კანდიდატურის სტატუსს,-  ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა.

ზელენკსის თქმით, ასევე ამ კვირაში უკრაინა რუსეთის მტრული აქტივობის ზრდას უნდა ელოდოს.

„იწყება ისტორიული კვირა. კვირა, როდესაც ევროკავშირისგან მოვისმენთ უკრაინის კანდიდატურის სტატუსს... ვფიქრობ, ყველასთვის აშკარაა, რომ 1991 წლიდან უკრაინისთვის ისეთი საბედისწერო გადაწყვეტილებები ცოტაა, როგორსაც ჩვენ ველოდებით. დარწმუნებული ვარ, რომ მხოლოდ პოზიტიური გადაწყვეტილება აკმაყოფილებს მთელი ევროპის ინტერესებს“, - განაცხადა პრეზიდენტმა.

გარდა ამისა, ზელენსკიმ განაცხადა, რომ ის უკრაინის ევროპული პერსპექტივის დასაცავად ყველა შესაძლებლობას გამოიყენებს.

„ცხადია, ასეთ კვირაში რუსეთისგან მტრული აქტივობის ზრდას უნდა ველოდოთ. ამ კვირაში, არა მარტო უკრაინის, არამედ ევროპის სხვა ქვეყნების წინააღმდეგაც. ვემზადებით და მზად ვართ და ვაფრთხილებთ ჩვენს პარტნიორებს“, - დასძინა პრეზიდეტმა.

შეგახსენებთ, რომ 28 თებერვალს პრეზიდენტმა ვოლოდიმირ ზელენსკიმ ხელი მოაწერა განცხადებას უკრაინის ევროკავშირში გაწევრიანების შესახებ.

17 ივნისს ევროკომისიამ რეკომენდაცია მისცა, რომ ევროსაბჭოს უკრაინას მიენიჭოს ევროპული პერსპექტივა და ევროკავშირის წევრობის კანდიდატის სტატუსი.

ევროსაბჭოს გადაწყვეტილება უკრაინას ევროკავშირის წევრობის კანდიდატის სტატუსის მინიჭების შესახებ 23-24 ივნისს ელიან.

ავტორი: ექსპრესნიუსი,

სოციალური ქსელები

ევროკავშირი 2026 წლის განმავლობაში 38 მილიონ ევროს დახარჯავს, დახმარება მიმართული იქნება საქართველოს მოქალაქეების, ოჯახებისა და თემების მხარდაჭერაზე

ეროვნული ბანკი - ნანა ყეინიშვილი მოქმედებდა მარტო, რასაც ადასტურებს კომპანიის წარმომადგენლის მიერ გაკეთებული აუდიო ჩანაწერიც

სებ- „ბიტექსჩეინჯი“ ფულის გათეთრებისა და ტერორიზმის დაფინანსების აღკვეთის წესის დარღვევისთვის დაჯარიმდა

ესტონეთის პრემიერ-მინისტრი: უკრაინას რუსული ნავთობგადამამუშავებელი ქარხნების ნანგრევებად გადაქცევისთვის მხარდაჭერა სჭირდება