უნგრეთმა მოითხოვა პატრიარქ კირილის ამოღება ევროკავშირის შემდეგი პაკეტის მიხედვით სანქციების ქვეშ მყოფი პირების სიიდან. ამის შესახებ Bloomberg წყაროებზე დაყრდნობით წერს.

ბუდაპეშტში მსგავსი მოთხოვნის მიზეზებს სააგენტო არ აკონკრეტებს. ამასთან, Bloomberg-ის ერთ-ერთმა წყარომ განაცხადა, რომ ამ კვირაში რუსეთის მართლმადიდებლური ეკლესიის მეთაურის სახელი სანქციების განხილვისას საერთოდ არ იყო ნახსენები.

დასავლური მედია პატრიარქ კირილის ახალ სანქციების სიაში შეყვანის გეგმებზე მაისის დასაწყისში წერდა. შემდეგ უნგრეთის პრემიერ-მინისტრმა ვიქტორ ორბანმა გააფრთხილა, რომ ქვეყანა არ დაუჭერს მხარს ასეთ ნაბიჯს, რადგან ეს „ზემოქმედებს რელიგიურ თავისუფლებაზე“.

ევროკავშირის ლიდერები რამდენიმე კვირის განმავლობაში ვერ შეთანხმდნენ რუსეთის წინააღმდეგ სანქციების მეექვსე პაკეტზე, ნავთობის ემბარგოზე უთანხმოების გამო - რამდენიმე ქვეყანა, მათ შორის უნგრეთი, ეწინააღმდეგებოდა ამ ზომას. შედეგად, 30 მაისს ევროკავშირმა მიაღწია კომპრომისს: იმპორტის აკრძალვა შეეხება მხოლოდ ნავთობს, რომელიც მიწოდებულია ზღვით და არა მილსადენით.

ნავთობზე ნაწილობრივი ემბარგოს გარდა, სანქციების ახალი პაკეტის ფარგლებში, ევროკავშირი გეგმავს Sberbank-ის გათიშვას SWIFT-დან, ასევე აკრძალოს კიდევ სამი რუსული სახელმწიფო არხის მაუწყებლობა მის ტერიტორიაზე.

ავტორი: ექსპრესნიუსი,

სოციალური ქსელები

ევროკავშირი 2026 წლის განმავლობაში 38 მილიონ ევროს დახარჯავს, დახმარება მიმართული იქნება საქართველოს მოქალაქეების, ოჯახებისა და თემების მხარდაჭერაზე

ეროვნული ბანკი - ნანა ყეინიშვილი მოქმედებდა მარტო, რასაც ადასტურებს კომპანიის წარმომადგენლის მიერ გაკეთებული აუდიო ჩანაწერიც

სებ- „ბიტექსჩეინჯი“ ფულის გათეთრებისა და ტერორიზმის დაფინანსების აღკვეთის წესის დარღვევისთვის დაჯარიმდა

ესტონეთის პრემიერ-მინისტრი: უკრაინას რუსული ნავთობგადამამუშავებელი ქარხნების ნანგრევებად გადაქცევისთვის მხარდაჭერა სჭირდება