მიუხედავად იმისა, რომ რუსეთის სამხედროები 10 კვირის განმავლობაში მარიუპოლის აღებას ცდილობდნენ, უკრაინელი ჯარისკაცების ბრძოლამ ოკუპანტებს ქალაქზე სრული კონტროლის დამყარებაში ხელი შეუშალა,- ვკითხულობთ ბრიტანეთის დაზვერვის მიერ გავრცელებულ ინფორმაციაში. 

დაზვერვის ცნობით, რუსეთის დანაწევრებული ქვედანაყოფები სამხედრო ოპერაციების შეფერხებას იწვევენ.

"უკრაინელი ჯარისკაცების წინააღმდეგ ბრძოლის დროს რუსეთმა დამატებითი ძალები გამოიყენა. მათ შორის ჩეჩნეთის ათასობით ჯარისკაცი. ისინი უმეტესად მარიუპოლისა და ლუგანსკის ოლქებში არიან გალაგებული.

 ქვედანაყოფები შედგება როგორც მოხალისეებისგან, ასევე ეროვნული გვარდიის წევრებისგან, რომლებიც, რამზან კადიროვის ერთგული არიან. გავრცელებული ინფორმაციით, კადიროვი განლაგებულ ჯგუფებს აკონტროლებს, მისი ბიძაშვილი ადამ დელიმხანოვი, სავარაუდოდ, მარიუპოლში საველე მეთაურის როლს ასრულებდა.განსხვავებული ძალების განლაგება რუსეთის პრობლემებზე მიუთითებს. ამასთან ერთად, დანაწევრებული ქვედანაყოფები რუსეთის ოპერაციების შეფერხებას განაგრძობენ". - აღნიშნულია ბრიტანეთის დაზვერვის ახალ ანგარიშში.

ავტორი: ექსპრესნიუსი,

სოციალური ქსელები

„პუტინის გზა“: მოსკოვი რუსეთიდან საქართველოს გავლით სომხეთამდე რკინიგზის მარშრუტის პოპულარიზაციას იწყებს

„თბილისობის“ დღესასწაულთან დაკავშირებით საავტომობილო გადაადგილება რამდენიმე ქუჩაზე დროებით იზღუდება

საქართველოს საპატრიარქოს მსოფლიო საპატრიარქოს წარმომადგენელი ეწვია

ვაიმარის სამკუთხედის ელჩებმა საქართველოში ერთობლივი ქმედების პერსპექტივები განიხილეს