რუსეთის აგრესორი ქვეყნის მეთაური, ვლადიმირ პუტინი, ნაკლებად სავარაუდოა, რომ "ბირთვულ ღილაკს" დააჭერს, მაგრამ აცნობიერებს, რომ უკრაინის ომი შეიძლება გახდეს ნატოსთან გლობალური კონფლიქტის დეტონატორი, - ამის შესახებ OBOZREVATEL-თან ექსკლუზიურ ინტერვიუში უკრაინის საგარეო დაზვერვის სამსახურის ყოფილმა ხელმძღვანელმა და არმიის გენერალმა, მიკოლა მალომუჟმა განაცხადა. 

მისი ვარაუდით, რუსეთის ხელმძღვანელობა შესაძლოა ამზადებდეს მიწისქვეშა ქალაქს ქვეყნის აღმოსავლეთით, ბირთვული ომის შემთხვევაში. მისი თქმით, ამას ადასტურებს 17 მარტს განხორციელებული სამთავრობო ფრენები. 

"ბირთვული ომის შემთხვევაში, არის მიწისქვეშა კონტროლის ცენტრები როგორც ქვეყნის, ასევე ჯარების ხელმძღვანელობისთვის. ეს არის დახურული მიწისქვეშა ბუნკერები, რამდენიმე ათეული მეტრის სიღრმეზე, მთელი ქალაქი. არის სამხედრო და სამოქალაქო კონტროლის ცენტრები, რადგან იქ მოძრაობს მთავრობა და არა მხოლოდ სამხედროები.

არსებობს ყველა საკომუნიკაციო სისტემა, მათ შორის მიწისქვეშა კომუნიკაციები სხვა რეგიონებთან, ავტონომიური ელექტრომომარაგება, გარე წყაროებისგან დამოუკიდებელი, სიცოცხლის მხარდაჭერის ავტონომიური მოდელი, ჰაერის გაწმენდის ჩათვლით. ანუ ბირთვული, ქიმიური ან ბაქტერიოლოგიური ომის შემთხვევაში ისინი მთლიანად იკეტება და ავტონომიურად მოქმედებენ.

საბჭოთა კავშირის პერიოდში ასეთ ბუნკერში ორი-სამი თვე იყო შესაძლებელი. მაგრამ ახლა უფრო თანამედროვე საშუალებებია, ასე რომ, ვფიქრობ, შეგიძლიათ იქ დარჩეთ ერთ წლამდე,"- განახადა მალომუჟმა.

ავტორი: ექსპრესნიუსი,

სოციალური ქსელები

უკრაინამ ტვერის რეგიონში სარაკეტო საწვავის მწარმოებელ ქარხანას და ბელგოროდის მახლობლად ნავთობის საწყობს დაარტყა

ევროკავშირის საგარეო საქმეთა მინისტრები საქართველოში არსებულ ვითარებას განიხილავენ

საქართველოს ბანკის მხარდაჭერით საქართველოს ეკონომიკისა და მდგრადი განვითარების სამინისტრომ და ინოვაციებისა და ტექნოლოგიების სააგენტომ „თუმო ქუთაისი“ გაიხსნეს

დუაიტ ჰოვარდი პირველად Black Fortress-ის ფორმაში: ისტორიული დებიუტი 10 ოქტომბერს