2022-03-17 16:25:12, 665 ნახვა
მსოფლიო
გერმანიის კანცლერი აცხადებს, რომ ნატო უკრაინის ომში სამხედრო ძალით არ ჩაერევა
ნატო არ გარისკავს უკრაინის ომის ესკალაციას სამხედრო ძალის ჩარევით, - ამის შესახებ გერმანიის კანცლერმა ოლაფ შოლცმა ხუთშაბათს ნატოს გენერალურ მდივანთან იენს სტოლტენბერგთან ერთობლივ პრესკონფერენციაზე განაცხადა.
”ალიანსის მთავარი მოვალეობაა, უზრუნველყოს ყველა წევრის უსაფრთხოება”, - თქვა მან.
გერმანია უკრაინას უგზავნის ფინანსურ და ჰუმანიტარულ დახმარებას, ასევე სამხედრო საქონელს, მაგრამ ბერლინმა არაერთხელ განაცხადა, რომ არ გაუგზავნის საბრძოლო თვითმფრინავებს.
„უკრაინის ხალხის ბედი გვაწუხებს, პუტინს უკრაინელებისთვის საშინელი ტანჯვა და სიკვდილი მოაქვს... ჩვენ უკრაინის გვერდით ვდგავართ“. განაცხადა შოლცმა და დასძინა, რომ პუტინს ერთპიროვნული პასუხისმგებლობა ეკისრება სამხედროების დაღუპვაზე.
ავტორი: ექსპრესნიუსი,
epn.ge (@expressnews.ge)
