„ბლინკენმა დამარწმუნა, რომ უკრაინასთან დაკავშირებით არცერთი გადაწყვეტილება არ იქნება მიღებული უკრაინის ზურგს უკან“, - ამის შესახებ უკრაინის საგარეო საქმეთა მინისტრი, დიმიტრო კულება აცხადებს.

ამასთან დაკავშირებით, დიმიტრო კულებამ დასძინა, რომ აშშ-ს სახელმწიფო მდივანმა, ენტონი ბლინკენმა ინიციატივა დააყენა, აშშ-ის პრეზიდენტ ბაიდენსა და რუსეთის პრეზიდენტ პუტინს შორის, სამიტის ჩატარების შესახებ.

უკრაინის საგარეო საქმეთა მინისტრის თქმით, უკრაინას ჯერ კიდევ სჯერა იმის, რომ ყველა დიპლომატიური ძალისხმევა ცდად ღირს.

 „არც რუსეთის ესკალაცია იქნება შეწყნარებული და არც უკრაინა დარჩება მარტო. ეს არამხოლოდ პოლიტიკურ შეტყობინებებს ეხება, არამედ სხვა უფრო კონკრეტულ ქმედებებსაც, მაგალითად უკრაინის თავდაცვის სექტორის განვითარების მხარდაჭერას, უკრაინის კიბერუსაფრთხოების მხარდაჭერას, ასევე, სხვადასხვა სანქციის დაწესებასაც, რაზეც ჩემ კოლეგებთან ერთად განვიხილავ. ჩვენ გვჯერა, რომ არსებობს ლეგიტიმური მიზეზები, რომლის საფუძველზეც შეგვიძლია, ახლა, ზოგიერთი სანქციის დაწესება მაინც. ევროკავშირი მხოლოდ სანქციებზე არ საუბრობს, ისინი სისრულეში მოჰყავს კიდეც.

ჩვენ ვხედავთ დეზინფორმაციის კამპანიებს, კიბერშეტევებსა და გაზრდილ სამხედრო მოქმედებებს.

წუხელ მინისტრ ბლინკენს ვესაუბრე, რომელმაც პრეზიდენტ ბაიდენსა და პრეზიდენტ პუტინს შორის სამიტის ჩატარების შესახებ ინიციატივა დააყენა. ჩვენ მივესალმებით ამ ინიციატივას. ჩვენ გვჯერა, რომ ყველა დიპლომატიური ძალისხმევა ცდად ღირს. ბლინკენმა დამარწმუნა, რომ არანაირი გადაწყვეტილება უკრაინის შესახებ არ იქნება მიღებული უკრაინის ზურგსუკან.

როგორც ადამიანებს, რომლებსაც სასოწარკვეთილად გვსურს ომის თავიდან აცილება და ორი ქვეყნის პრეზიდენტის შეთანხმება სწორედ მაშინ, როცა რუსეთი თავის სამხედროებს უკრაინიდან გამოიყვანს - ეს იქნება, წმინდა მაჩვენებელი იმისა, რომ რუსეთი დეესკალაციისთვის მზადაა. თუ ეს არ მოხდება, ნიშნავს იმას, რომ რუსეთი ინარჩუნებს თავის ამჟამინდელ ლოგიკას“, - აღნიშნა დიმიტრო კულებამ.

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა