უკრაინის შეიარაღებული ძალების მთავარსარდალი, ვალერი ზალუჟნი ოკუპირებული დონეცკის ზოგიერთი დასახლებული პუნქტიდან მოსახლეობის ევაკუაციის გეგმას ეხმაურება და აცხადებს, რომ უკრაინის შეიარაღებული ძალებისგან შეტევითი ოპერაციები არ იგეგმება. 

„ჩვენ ოფიციალურად ვაცხადებთ: უკრაინის შეიარაღებული ძალები მკაცრად იცავენ მინსკის შეთანხმებას და საერთაშორისო ჰუმანიტარული სასამართლოს ნორმებს, არ გეგმავენ შეტევით ოპერაციებს და მშვიდობიანი მოსახლეობის დაბომბვას. ჩვენ ქმედებები არის თავდაცვითი", - აღნიშნულია განცხადებაში. 

ვალერი ზალუჟნი აღნიშნავს, რომ 17 თებერვლის 19:00 საათისთვის, რუსეთის საოკუპაციო ძალების მიერ ცეცხლის შეწყეტის რეჟიმ 47-ჯერ დაირღვა, მათგან 38 მინსკის შეთანხმებით აკრძალულ შეიარაღებას ეხება.

„მტერმა იერიში მიიტანა სოციალურ ინფრასტრუქტურაზე და ორი მშვიდობიანი მოქალაქე დაჭრა. ამავდროულად, დეზინფორმაციისა და პროპაგანდის გამოყენებით, რუსეთის საოკუპაციო ადმინისტრაციები უკრაინის შეიარაღებულ ძალებს მშვიდობიანი მოსახლეობის დაბომბვაში ადანაშაულებენ", - აცხადებს ძალების მთავარსარდალი. 

ვალერი ზალუჟნი აცხადებს, რომ ნებისმიერი ზიანი, რომელიც შესაძლოა ადამიანებს ან ინფრასტრუქტურულ ობიექტების მიადგეთ, პროვოკაციაა, რომელზეც პასუხისმგებლობა რუსეთს ეკისრება. 

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა