„დღეს, აქ ვარ არა ომის დასაწყებად, არამედ მის თავიდან ასაცილებლად“, - აღნიშნულის შესახებ აშშ-ის სახელმწიფო მდივანმა, ენტონი ბლინკენმა გაერო-ს უშიშროების საბჭოზე განაცხადა.

მან ასევე, რუსეთს კრიზისის გადასაჭრელად დიპლომატიის გამოყენებისკენ მოუწოდა.

„დღეს, აქ ვარ არა ომის დასაწყებად, არამედ მის თავიდან ასაცილებლად. ინფორმაცია, რომელსაც აქ წარმოვადგენ, არის დამტკიცებული იმით, რაც თვეების განმავლობაში ჩვენს თვალწინ მიმდინარეობს. გახსოვდეთ, სანამ რუსეთი განმეორებითად მასხრად იგდებდა ჩვენს გაფრთხილებებს, უყურებდა განგაშს, როგორც მელოდრამასა და უაზრობას, ისინი უკრაინის საზღვრებთან შეუჩერებლად აგროვებდნენ 150 000-ზე მეტ სამხედროსა და მასიური სამხედრო თავდასხმისთვის საჭირო შესაძლებლობებს. ამას მხოლოდ ჩვენ არ ვხედავთ. ამას მოკავშირეები და პარტნიორებიც ხედავენ.

რუსეთს მხოლოდ ჩვენი ხმა არ ესმის. თუ რუსეთი უკრაინაში არ შეიჭრება, ჩვენ შვებას მოგვგვრის, რომ რუსეთმა კურსი იცვალა და დაამტკიცა, რომ ჩვენი პროგნოზები არასწორი იყო. ეს ბევრად უკეთესი გამოსავალი იქნებოდა, ვიდრე ის კურსი, რომელზეც ახლა ვართ და საიმოვნებით მივიღებთ ჩვენს მიმართ არსებულ ნებისმიერ კრიტიკას. ამ შეხვედრებს შეუძლიათ გზა გაუხსნან მთავარი ლიდერების სამიტს დეესკალაციის კონტექსტში, რათა მივაღწიოთ ურთიერთგაგებას უსაფრთხოების ჩვენს საერთო შეშფოთებებზე. როგორც ჩვენი ერების წამყვან დიპლომატებს, ჩვენ გვაქვს პასუხისმგებლობა ვცადოთ ყველაფერი დიპლომატიის წარმატებისთვის, არ დავტოვოთ არცერთი დიპლომატიური ქვა გადაუბრუნებელი.

რუსეთის მთავრობამ დღეს შეუძლია ყოველგვარი კვალიფიკაციის, ეკვივოკაციისა და არიდების გარეშე გამოაცხადოს, რომ რუსეთი უკრაინაში არ შეიჭრება, თქვან ეს მკაფიოდ, ნათლად განუცხადონ მსოფლიოს და შემდეგ, ამის დემონსტრაცია მოახდინონ ჯარისკაცების, ტანკების, თვითმფრინავების ანგარებში დაბრუნებითა და მოლაპარაკებების მაგიდასთან დიპლომატების გაგზავნით. უახლოეს დღეებში მსოფლიოს ეხსომება ეს მონდომება, ან ამაზე უარის თქმა“, - აღნიშნა ენტონი ბლინკენმა.

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა