2021-12-26 12:34:13, 952 ნახვა
საზოგადოება
„ნაციონალური მოძრაობის“ ოფისთან აქტივისტი შეუძლოდ გახდა და შიმშილობა შეწყვიტა
“ერთიანი ნაციონალური მოძრაობის” ოფისთან, სადაც მიხეილ სააკაშვილის გათავისუფლების მოთხოვნით მასიური შიმშილობა მიმდინარეობს, ერთ-ერთი აქტივისტი შეუძლოდ გახდა.
ექიმების ინფორმაციით, მოშიმშილე აქტივისტს არტერიული წნევის ცვალებადობა აღენიშნებოდა, რის გამოც სასწრაფო-სამედიცინო დახმარების ეკიპაჟმა საავადმყოფოში გადაიყვანა. მას შიმშილობის შეწყვეტა მოუწია.
ცნობისთვის, საქართველოს მესამე პრეზიდენტის, მიხეილ სააკაშვილის გათავისუფლების მოთხოვნით 200-მდე ადამიანმა შიმშილობა 21 დეკემბერს დაიწყო. ამის შესახებ “ერთიანი ნაციონალური მოძრაობის” თავმჯდომარემ, ნიკა მელიამ რუსთაველზე მიმდინარე აქციაზე განაცხადა. მისი თქმით, მასობრივი შიმშილობის დაწყება მძმე გადაწყვეტილებაა, თუმცა რაც უფრო მეტი ხალხი შეუერთდება, შედეგი უფრო მალე იქნება პოზიტიური
ავტორი: ექსპრესნიუსი,
epn.ge (@expressnews.ge)
