ბოლნისში სახაალწლო ნაძვის ხე საზეიმოდ აინთო. აღნიშნულის შესახებ ინფორმაციას ბოლნისის მუნიციპალიტეტის მერია ავრცელებს. ნაძვის ხის ანთებამდე ბოლნისის მუნიციპალიტეტის მერმა დავით შერაზადიშვილმა დამსწრე საზოგადეობას მიმართა და მათ დამდეგი შობა-ახალი წელი მიულოცა.

მათივე ცნობით, ბოლნისის მუნიციპალიტეტის ორგანიზებით, ბოლნისის მუნიციპალიტეტის მერიის შენობის წინ მოწყობილ საახალწლო სოფელში, მთელი დღის განმავლობაში არაერთი ღონისძიება მიმდინარეობდა. საახალწლო სოფელში მოსულ სტუმრებს ბოლნისელი ხელოვანების ნამუშევრებისა და მეწარმეების პროდუქციის დათვალიერება და შეძენა შეეძლოთ.

„მცირეწლოვან სტუმრებს საახალწლო სოფელში თოვლის ბაბუა და სხვადასხვა ზღაპრის გმირი დახვდათ. თოვლის ბაბუამ პატარებს საჩუქრად  ბოლნისის მუნიციპალიტეტის მიერ მომზადებული საახალწლო ნობათები გადასცა.

ღონისძიების ფარგლებში მოწყობილ სცენაზე, ბოლნისის კულტურის სახლთან არსებულმა ფოლკლორულმა ანსამბლებმა და სტუდიებმა საახალწლო კონცერტი გამართეს. ბოლნისის თოჯინების თეატრმა კი პატარებს სპეციალური წარმოდგენა შესთავაზა.

ნაძვის ხის ანთებამდე სცენა თბილისის ქალთა გუნდმა დაიკავა, შემდგომ კი წინასაახალწლო განწობის შესაქმელად ბოლნისის როკ ბენდმა ყველასათვის საყვარელი ჰიტები შეასრულა. ღონისძიება  DJ სეტით დასრულდა“, - წერია განცხადებაში.

„წინასაახალწლო განწყობის შესაქმნელად ბოლნისის მუნიციპალიტეტს მთელი დღის განმავლობაში სხვადასხვა ღონისძიება ჰქონდა მომზადებული და მოხარული ვარ, რომ ეს დღე ყველამ ერთად ვიზეიმეთ. ძვირფასო ბოლნისელებო, გილოცავთ დამდეგ შობა-ახალ წელს. 2022 წელი თითოეული თქვენგანის ოჯახისთვის  სიხარულის, ხვავისა და  ბარაქის მომტანი ყოფილიყოს. დამდეგი ახალი წელი განსაკუთრებით მსურს, ჩვენს პატარებს მივულოცო და მათ ბედნიერი მომავალი ვუსურვო“, - განაცხადა ბოლნისის მუნიციპალიტეტის მერმა დავით შერაზადიშვილმა.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას