კახა კალაძეს არ აქვს უფლება, რომ თავმომწონედ იჯდეს ახლა საკრებულოს დარბაზში და თავის პროგრამას წარადგენდეს, – ამის შესახებ „ნაციონალური მოძრაობის“ წევრმა, ზაალ უდუმაშვილმა საკრებულოსთან მიმდინარე საპროტესტო აქციაზე, ჟურნალისტებს განუცხადა.

ზაალ უდუმაშვილის თქმით, ფასადური წარმატებები, რომლითაც კახი კალაძე ამაყობს, მხოლოდ ერთეულებისთვისაა და მთელი ქალაქი უმძიმეს მდგომარეობაშია.

მისივე თქმით, ბრძოლა უნდა გაგრძელდეს, რათა ერთხელ და სამუდამოდ ქვეყანაში მოვიდეს ისეთი ხელისუფლება, რომელიც იზრუნებს ხალხზე და არა საკუთარ ჯიბეზე.

„დღეს ბატონი კალაძე მობრძანდა საკრებულოში საკუთარი მთავრობის დასამტკიცებლად და სწორედ ამიტომ მოვედით  ჩვენც აქ, ოპოზიციის პრეტენზიების მოსმენა მოუწევს კალაძეს როგორც საკრებულოს დარბაზში, ასევე შენობის გარეთაც, იმიტომ რომ ეს ის მთავრობაა, რომლებმაც პრაქტიკულად გააღატაკა მთელი თბილისი, ის ფასადური წარმატებები, რომლითაც კახი კალაძე ამაყობს, არის მხოლოდ ერთეულებისთვის და მთელი ქალაქი პრაქტიკულად უმძიმეს მდგომარეობაშია, ამას სტატისტიკაც ადასტურებს. როდესაც ყოველწლიურად მატულობს სოციალურად დაუცველების რაოდენობა, როდესაც ყოველწლიურად მატულობს იმ ბენეფიციართა რაოდენობა, რომლებიც რიგში დგანან, რომ უფასო სასადილოებით ისარგებლონ, თბილისის მერს არ აქვს უფლება, რომ თავმომწონედ იჯდეს ახლა საკრებულოს დარბაზში და იქ თავის პროგრამას წარადგენდეს. ასე რომ, ეს ბრძოლა გაგრძელდება და არა მხოლოდ კალაძე, არამედ მთლიანად ხელისუფლება უნდა შეიცვალოს იმისთვის, რომ ერთხელ და სამუდამოდ ამ ქვეყანაში მოვიდეს ხელისუფლება, რომელიც იზრუნებს ხალხზე და არა საკუთარ ჯიბეზე“, – განაცხადა ზაალ უდუმაშვილმა.

ავტორი: ექსპრესნიუსი,

სოციალური ქსელები

2026 წლის მეორე კვარტალში თბილისში საცხოვრებელი უძრავი ქონების ფასები გაიზარდა

ამ დროისთვის ორივენი არიან სტაბილურად - ექიმი ვერაზე დაჭრილ ახალგაზრდებზე

შსს-მ ონისე ოქრიაშვილზე თავდამსხმელთაგან მხოლოდ ერთი პირი დააკავა

ვერაზე მოკლული 17 წლის ნიკოლოზ ღუნაშვილია, მან ეროვნული გამოცდები წარმატებით ჩააბარა