2021-10-26 10:11:50, 1364 ნახვა

---

ქედის მუნიციპალიტეტში იმუნიზაციის პროცესის გასააქტიურებლად სამედიცინო ცენტრებში Pfizer, Sinopharm/Sinovac-ის ვაქცინები ადმინისტრირებს

ქედის მუნიციპალიტეტში იმუნიზაციის პროცესის კიდევ უფრო გასააქტიურებლად და წლის ბოლომდე სამიზნე მაჩვენებლის მოცვის მიზნით, სოფლის სამედიცინო ცენტრებში სოფლის ექიმების მიერ ადმინისტრირდება როგორც ფაიზერის, ასევე სინოფარმისა და სინოვაკის ვაქცინები.

ქედის მუნიციპალიტეტის მერიის ინფორმაციით, ადგილობრივებს შესაძლებლობა აქვთ სოფლიდან გაუსვლელად მიიღონ სერვისი, ხოლო მწოლიარე პაციენტებმა სასურველი ვაქცინით ბინაზე ჩაიტარონ ვაქცინაცია.

მათივე ცნობით, კოვიდსაწინააღმდეგო იმუნიზაცია დღეს ქედის მუნიციპალიტეტის პირველადი ჯანდაცვის ცენტრებსა და თემის სამედიცინო პუნქტებში აქტიურად მიმდინარეობდა. სოფლად ვაქცინაციის მიზანია ქედის მუნიციპალიტეტში კოვიდსაწინააღმდეგო ვაქცინაციის ტემპის კიდევ უფრო გაზრდა, რომელიც ქედის ადგილობრივი თვითმმართველობის მხარდაჭერით ხორციელდება.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი