ინტერესი და ყურადღება აღნიშნული არჩევნების მიმართ ძალიან დიდია, როგორც ადგილობრივად, ასევე ამერიკის შეერთებულ შტატებში, ასევე ვაშინგტონში, თეთრ სახლში, კონგრესში, სახელმწიფო დეპარტამენტში ყურადღება მიპყრობილია საქართველოსკენ.  - ამის შესახებ ამერიკის ელჩმა საქართველოსი კელი დეგნანმა, მარნეულის N85 საარჩევნო უბანზე ყოფნისას განაცხადა.

მან კიდევ ერთხელ მოუწოდა მოსახელობას მოვიდნენ საარეჩევნო უბნებზე და რეგულაციების დაცვით მისცენ ხმა.

 "ეს არის ძალიან მნშვენელოვანი დღეს საქართველოსთვის, მოხარული ვარ, რომ მასში  ჩართული ვარ, როგორც დამკვრივებელი მარნეულში ვარ და სასიამოვნოა, რომ ამინდის მიუხედავად ამომრჩევლები იჩენენ პასუხისმგებლობას და მოდიან უბნებზე, ეს არის შესაძლებლობა, რომ მათი ხმა გაიგონონ, ეს არის საშუალება თუ როგორ ხდიან მოქალაქეები თავიანთ ლიდერებს ანგარიშვალდებულს, როგორ გასნაზღვრავენ პრიორიტეტებს.

რა თქმა უნდა, თავისუფალი და დემოკრატიული არჩევნები არის ფუნდამენტი ნებისმიერი დემოკრატიისა. საელჩო აკვირდება მიმდინარე საარჩევნო პროცესს, ჩვენ გვყავს სადამკვირვებლო ჯგუფები, დაახლოებით, 48 ჯგუფი მთლიანად საქართველოს მასშტაბით, ასევე საელჩოში ფუნქციონირებს ცენტრი, რომელიც ყურადღებით ადევნებს თვალყურს მედიაში გავრცელებულ ინფორმაციას, ასევე კომუნიკაციაში არიან საერთაშორისო სადამკვირვებლო ორგანიზაციებთან. შესაბამისად, ინტერესი და ყურადღება აღნიშნული არჩევნების მიმართ ძალიან დიდია, როგორც ადგილობრივად, ასევე ამერიკის შეერთებულ შტატებში, ასევე ვაშინგტონში, თეთრ სახლში, კონგრესში, სახელმწიფო დეპარტამენტში ყურადღება მიპყრობილია საქართველოსკენ. შეშფოთებას გამოვთქვით წინასაარჩევნო პერიოდში გარკვეულ ცნობებთან დაკავშირებით, რაც წინასაარჩევნო დარღვევებს, დაშინებას, ძალადობას შეეხებოდა, თუმცა, კარგია, რომ პარტიის ლიდერები მშვიდი და წყნარი გარემოსკენ მოუწოდებენ. ჩვენ მივიღეთ ცნობები, რომ ზოგიერთმა დამკვირვებელმა, რომელიც წარმოადგენს გარკვეულ ორგანიზაციას, არ იცის რომელ ორგანიზაციას წარმოადგენენ, ან რა არის კონკრეტულად მათი როლი საარჩევნოდ, დაკვირვების პროცესში, ალბათ, ესეც ტრენინგის, კვალიფიკაციის ნაკლებობასთანაა დაკავშირებული. საერთო ჯამში, მოვუწოდებ მოსახლეობას, ამომრჩევლებს, საარჩევნო უბანზე მოვიდნენ რეგულაციების დაცვით და ხმა მისცენ, რადგან ეს ძალიან მნიშვნელოვანია“, - განაცხადა დეგნანმა.

ავტორი: ექსპრესნიუსი,

სოციალური ქსელები

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს

კირცხალია: ჭორი და სიცრუეა, თითქოს უმრავლესობის ლიდერის თანამდებობას ვტოვებ