2021-09-30 13:59:44, 1094 ნახვა
რეგიონი
მსოფლიო საზღვაო დღესთან დაკავშირებით, ვაქცინაციის ხელშეწყობის მიზნით, ბათუმში კიდევ ერთი ამცრელი სივრცე გაიხსნა
მსოფლიო საზღვაო დღესთან დაკავშირებით, Covid-19-ის საწინააღმდეგო ვაქცინაციის პროცესის ხელშესაწყობის მიზნით, ბათუმში კიდევ ერთი ამცრელი სივრცე გაიხსნა. დღეიდან ორი კვირის განმავლობაში ვაქცინაციის ჩატარება ბათუმის სახელმწიფო საზღვაო აკადემიის შენობაში, სპეციალურად მოწყობილ ამცრელ კაბინეტში იქნება შესაძლებელი. უმაღლეს სასწავლო დაწესებულებაში ვაქცინაცია ორშაბათიდან პარასკევის ჩათვლით, 10:00 სთ-დან 17:00 სთ-მდე პერიოდში ჩატარდება და საზღვაო აკადემიის სტუდენტებს, პროფესორ-მასწავლებლებს, საზღვაო დარგის სხვა წარმომადგენლებს, მათ შორის მეზღვაურებს, წინასწარი რეგისტრაციის გარეშე, საშუალება ექნებათ ადგილზე ჩაიტარონ შემდეგი ვაქცინები - ფაიზერი, სინოფარიმი, სინოვაკი. “საზღვაო აკადემიაში ამცრელი პუნქტი გავხსენით, ვინაიდან აკადემიაში სწავლა განახლდება შერეულ რეჟიმში და სტუდენტების ნაწილს მოუწევს ადგილზე მოსვლა, მნშივნელოვანია რომ ხელი შევუწყოთ მათ იმუნიზაციის პროცესს. ჩვენ აქტიურად ვთანამშრომლობთ საზღვაო აკადადემიისთან და უნდა აღინიშნოს, რომ ამ ეტაპზე აკადემიის პერსონალის 80%-მდე უკვე აცრილია. მე ვთხოვ და მივმართავ ყველა პირველკურსელს ჩაიტარონ ვაქცინაცია, რათა საგანმანათლებლო დაწესებულებებმა შეძლონ სწავლის პროცესის დასწრებულ ფორმატში განახლება,“- განაცხადა აჭარის ჯანდაცვის მინისტრმა ნინო ნიჟარაძემ. „ვარ მეოთხე კურსის სტუდენტი, ვფიქრობ დისტანციურ სწავლებას სჯობს აუდიტორიებში დაბრუნება, ამოტომ დღეს ჩემს კურსელებთან ერთად მოვედი აკადემიაში და ჩავიტარე კორონავირუსის საწინააღმდეგო ვაქცინაცია. არ მინდა სწავლის ბოლო წელიც დისტანციურად ჩაიაროს, ამიტომ მოვუწოდებ ყველას დროულად აიცრან“, - აღნიშნა აკადემიის სტუდენტმა, ირაკლი ბერიძემ. ვაქცინაციის მოცვის მაჩვენებლის გზარდის მიზნით აჭარის ჯანდაცვის სამინისტროს, საზოგადოებრივი ჯანდაცვის ცენტრისა და დაავადებათა კონტროლის წარმომადგენლები ყოველდღიურ რეჟიმში მართავენ საინფორმაციო შეხვედრებს სხვადასხვა დაწესებულებებში, პარალელურად ამ ორგანიზაციებში ხდება გამსვლელი ბრიგადების მისვლა და დასქმებულთა ვაქცინაცია. მართალია, ბოლო პერიოდში შემცირდა აცრის მსურველთა რაოდენობა და დღის განმავლობაში დაახლოებით 1 500 შეადგენს, მიუხედავად ამისა, ჩვენ ყველაფერს ვაკეთებთ იმისათვის, რომ წლის ბოლოს გვყავდეს მოსახლეობის 60% აცრილი. ამ მიზნით ვაქცინაცია მიმდინარეობს აჭარის სოფლებში, გამსვლელი ბრიგადების ჩართულობით - განაცხადა მინისტრმა. დღეისათვის აჭარაში ჩატრებულია - 206 215 დოზა ვაქცინა. მ.შ. ორი დოზა - 91 405. ერთი დოზით აცრილია მოსახლეობის 32,3 %, რაც ზრდასრუილი მოსახლეობის 42,4 %-ს შეადგენს. ორი დოზით აცრილია მოსახლეობის 25.8 %, ზრდასრული მოსახლეობის 33.8 %. ავტორი: NS (სტატია დაფინანსებულია), პავილიონისი - „უცხოური გავლენის გამჭირვალობის შესახებ“ კანონის გაწვევას კიდევ 6 ქვეყნის საგარეო კომიტეტის თავმჯდომარე ითხოვს
კალაძე - ევროპა ვიღაცისთვის შეიძლება იყოს „შოპინგი“, მაგრამ ჩემთვის ღირებულებებია
კალაძე - სტადიონის მშენებლობაზე პრემიერ-მინისტრის ინიციატივა მეგაპროექტია, რომელსაც ქართველი ფეხბურთელები, მორაგბეები და მათი ქომაგები იმსახურებენ
საქართველოს თავდაცვის მინისტრი ლატვიის რესპუბლიკის ელჩს შეხვდა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 461 940-მდე რუსი ჯარისკაცი მოკლეს
მედია - რუსებმა ხერსონის ოლქი დაბომბეს, რის შედეგადაც 2 ადამიანი დაიღუპა
BBC - რუსეთმა კიევსა და ოდესას დრონებით შეუტია
ვიდეო/LIVE საქართველოს დამოუკიდებლობის დღე - პირდაპირი
|