რეგიონში ეპიდემიოლოგიური ვითარება შეიძლება ითქვას სტაბილურია. - ამის შესახებ აჭარის ჯანდაცვის მინისტრმა ნინო ნიჟარაძემ განაცხადა.

მისი თქმით რეგიონში კლებადი დინამიკა შეინიშნება.

"გვაქვს კლებადი დინამიკა, გასული 24 საათის განმავლობაში დაფიქსირდა ინფიცირების 247 ახალი შემთხვევა. მიუხედავად იმისა, რომ თითოეული ცენტრი შაბათ-კვირასაც ახორციელებდა დიაგნოსტიკას, მაინც მოსახლეობის მომართვიანობა გაცილებით ნაკლები იყო. თუმცა ვფიქრობთ, რომ კარგად გამოხატულია სტაბილიზაციის მაჩვენებელი. 

რაც შეეხება მზაობას და ზოგადად სამედიცინო სისტემის მობილიზებას, აჭარაში სულ არის 8081 აქტიური  შემთხვევა, დილის მონაცემებით ჰოსპიტალში იმყოფებოდა 1010 პაციენტი, 166 პაციენტი გადის ინტენსიური თერაპიის კურსს, 43 იმყოფება მართვით სუნთქვაზე. კლინიკებში მობილიზებულია 1070 კოვიდ საწოლი. თერაპიული საწოლები უკვე რამდენიმე დღეა დაახლოებით 40-50-ის ფარგლებში თავისუფალია. ამ ეტაპზე ინტენსიური თერაპიის საჭიროების მქონე პაციენტების მომართვიანობა გვაქვს და მაქსიმალურად ვცდილობთ არ დარჩეს არცერთი მათგანი სერვისის მიღმა.

დღეის მდგომარეობით სინოფარმით იცრებიან ის პირები, რომლებიც დარეგისტრირებულნი არიან პირველ დოზაზე, ან  აქვთ მეორე დოზის საჭიროება. თვის ბოლოს განახლდება მარაგი და ჯავშნის გარეშე ყველას შეეძლება ჩაიტაროს აცრა. თუმცა იცით, რომ დღეს გვაქვს ფაიზერი და სინოვაკი, ამიტომ ყველას ვთხოვ აქტიურად ჩაერთონ იმუნიზაციის პროცესში". - განაცხადა ნინო ნიჟარაძემ.

როგორც აჭარის ჯანდაცვის მინისტრმა აღნიშნა, რეგიონში მოსახლეობის 12% სრულიად ვაქცინირებულია.

"დღეისათვის 140 000-ზე მეტი ვაქცინაა ადმინისტრირებული. მოსახლეობის 27 % არის ერთი დოზით აცრილი, ორი დოზით 12 %, თუმცა კიდევ უფრო მეტი გაფართოებაა საჭირო. იცით, რომ ჩვენ უკვე დავიწყეთ გამსვლელი ბრიგადებით მუნიციპალიტეტებში აცრების ჩატარება. გარდა ამისა, მიმდინარე კვირაში დავაანონსებთ უკვე იმ ოჯახის ექიმებსა და ამბულატორიებს, სადაც  დაიწყება ვაქცინაციის პროცესი. ასევე, მიმდინარე კვირაში იგეგმება მობილურ ტრანსპორტშიც ვაქცინაციის დაწყება.
ორსულები განსაკუთრებული რისკჯგუფია, ამიტომ მოვუწოდებთ, ყველა რისკის თავიდან ასაცილებლად და მინიმუმამდე დასაყვანად, აუცილებელია იმუნიზაციაში ჩართვა. ფაიზერი რეკომენდებულია როგორც ორსულთათვის, ასევე მეძუძური დედებისათვის. შესაბამისად, დროულად უნდა მიმართონ კლინიკებს და ჩაიტარონ ვაქცინაცია." - განაცხადა მინისტრმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს