„პოლი ნეთვორქზე“ განხორციელებული კიბერთავდასხმის შედეგად ჰაკერებმა 600 მილიონი აშშ დოლარის ღირებულების კრიპტოვალუტა მოიპარეს. - ამის შესახებ ინფორმაციას „დოიჩე ველე“ ავრცელებს.

პლატფორმის წარმომადგენელთა განცხადებით, მოპარული თანხის მოცულობა ყველაზე მსხვილია დეცენტრალიზებული ფინანსური მომსახურების ისტორიაში. 

 „პოლი ნეთვორქმა“ ჰაკერების მიერ გამოყენებული საფულეების მისამართები გამოაქვეყნა და კრიპტოვალუტის მაინინგში ჩართულ პირებს და ორგანიზაციებს ამ მისამართებიდან შემოსული ინფორმაციის დაბლოკვისკენ მოუწოდა.

პლატფორმის წარმომადგენლის თქმით, კიბერდამნაშავეებს მათთან დაკავშირება და მოლაპარაკება შესთავაზეს რამდენიმე ციფრულ მისამართზე თანხების დასაბრუნებლად.

მათივე განცხადებით, მომხდართან დაკავშირებით სამართლებრივი ზომების მიღებას გეგმავენ, რადგან აღნიშნული ქმედება მსხვილი ეკონომიკური დანაშაულია.

კიბერდანაშაულის ექსპერტთა ჯგუფის, „სიფერთრეისის“ მონაცემებით, მიმდინარე წელს ჰაკერების მიერ განხორციელებული თავდასხმების 76 პროცენტი დეცენტრალიზებული ფინანსური მომსახურების სექტორზე მოდის. თავდასხმების შედეგად ჯამში მოპარულია 361 მილიონი აშშ დოლარის ოდენობის თანხა, რაც წინა წლის მონაცემებს 2,7-ჯერ აღემატება.

ავტორი: ექსპრესნიუსი,

სოციალური ქსელები

სატვირთო მანქანების სომეხი მძღოლები, რომლებსაც კონიაკი გადაჰქონდათ, დაახლოებით ერთი თვეა ლარსზე იმყოფებიან: რუსული მხარე ექსპერტის შეფასებას ითხოვს

ნიუ-დელიში გამართულ საპროტესტო აქციაზე ოპოზიციის ლიდერები დააკავეს

ფავლენიშვილი- უპრეცედენტო შემთხვევაა ჩვენი ქვეყნის ისტორიაში, როდესაც ადამიანი თვითონ აცხადებს, რომ გახდა გაუპატიურების მსხვერპლი პენიტენციურ სისტემაში

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს