აშშ-ის პრეზიდენტმა ჯო ბაიდენმა შტატების ადგილობრივ მთავრობას მოუწოდა, თითოეულ მოქალაქეს, რომელიც კორონავირუსის საწინააღმდეგო ვაქცინას ჩაიტარებს,  წახალისების მიზნით, როგორც სტიმული 100 დოლარი გადაუხადონ.

,,ვიცი, რომ შეიძლება ეს უსამართლოდ ჟღერდეს იმ ადამიანებისთვის, ვინც უკვე აცრილია, მაგრამ თუ წახალისების საშუალებები გვეხმარება ამ ვირუსის დამარცხებაში, მიმაჩნია, რომ ჩვენ ისინი უნდა გამოვიყენოთ", - აღნიშნა ბაიდენმა.

პრეზიდენტმა წამახალისებელ განცხაებასთან ერთად ახალი წესები წარადგინა. კერძოდ, სამთავრობო დაწესებულების თანამშრომლებს, რომლებსაც არ ექნებათ ვაქცინაციის დამადასტურებელი საბუთი, კვირაში ერთხელ ან ორჯერ „კოვიდ-19“-ის ტესტი ჩაუტარდეთ და მოგზაურობაზე შეზღუდვები დაუწესდეთ. გარდა ამისა, პრეზიდენტის ადმინისტრაციამ თავდაცვის დეპარტამენტს სამხედროების მასობრივი ვაქცინაციის საკითხის შესწავლა დაავალა.

,,იუსტიციის დეპარტამენტმა განმარტა, რომ კოვიდ 19 -ის საწინააღმდეგო ვაქცინაციის მოთხოვნა სავალდებულოა. ყველას გვსურს, რომ ცხოვრების ჩვეულ რიტმს დავუბრუნდეთ და სამუშაო ადგილები, სადაც ადამიანები სრულად ვაქცინირებული არიან, ამის სწრაფად და წარმატებით განხორციელებას შეუწყობს ხელს,"- აღნიშნა ბაიდენმა.

ცნობისთვის, აშშ-ში დაახლოებით 163.8 მილიონი ადამიანი სრულად ვაქცინირებულია.

ავტორი: ექსპრესნიუსი,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა