COVID-19-ის საწინააღმდეგო ვაქცინების მილიონი დოზა საქართველოშია

,,დღეიდან, იმუნიზაციის პროცესის გაფართოებისათვის აჭარის რეგიონის სამედიცინო სფერო სრულ მზადყოფნაშია. ორშაბათიდან დამატებით 11 სამედიცინო დაწესებულება 28 ამცრელი ბრიგადით დაემატება და ჯამში, კვირის შვიდივე დღეს, 8 საათიანი სამუშაო დღის გათვალისწინებით, აჭარის რეგიონში ოპერირებას გასწევს 24 სამედიცინო დაწესებულება, 52 ამცრელი ბრიგადით“ - განაცხადა, დღეს რესპუბლიკურ საავადმყოფოში ვიზიტისას აჭარის ა/რ ჯანმრთელობისა და სოციალური დაცვის მინისტრმა, ნინო ნიჟარაძემ.

"სინოფარმით" აცრისთვის რეგისტრაცია 3 ივლისს, ვაქცინაციის პროცესი კი - 5 ივლისიდან დაიწყება. დამატებით იმ პირებისთვის, რომლებიც ვერ ახხერხებენ ჯავშნის განხორციელებას, ბათუმის რესპუბლიკურ საავადმყოფოში გამოიყო სივრცე, სადაც ორშაბათიდან 6 ამცრელი ბრიგადა განთავსდება და მოქალაქეებს შეეძლებათ ადგილზე განახორციელონ რეგისტრაცია და ჩაიტარონ ვაქცინაცია.

მიმდინარე კვირაში დამატებით, ამცრელი ბრიგადებისათვის ტრენინგები გაიმართა, რომელიც მომდევნო დღეებშიც გაგრძელდება.

როგორც მინისტრმა აღნიშნა, ამ დროისთვის სხვადასხვა ვაქცინით 28 000 მოქალაქეა აცრილი, წლის ბოლომდე ამცრელი ბრიგადები 120 000 მოქალაქის (მოზრდილი მოსახლეობის 60%) ვაქცინაციას შეძლებენ. მინისტრმა ასევე ისაუბრა საინფორმაციო კამპანიის შესახებ და მიზნობრივ ჯგუფებთან აქტიურად მუშაობის მნიშვნელობაზე. შეეხო მოქალაქეთა პასუხისმგებლობის საკითხსაც.

ავტორი: NS (სტატია დაფინანსებულია),

სოციალური ქსელები

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა