შუახევის მუნიციპალიტეტის მერის მოვალეობის შემსრულებელმა ომარ ტაკიძემ, მერიის სამსახურის ხელმძღვანელებთან და ორგანიზაციების წარმომადგენლებთან სამუშაო თათბირი გამართა.

აღნიშნულის შესახებ ინფორმაციას შუახევის მუნიციპალიტეტის მერია ავრცელებს.

"თათბირს ესწრებოდნენ საკრებულოს თავმჯდომარე გიორგი დავითაძე, მერის მოადგილე რუსუდან შავაძე და აჭარის მთავრობის თავმჯდომარის მრჩეველი როსტომ ლორთქიფანიძე.

შეხვედრაზე, ომარ ტაკიძემ გაზრდილი ბიუჯეტის ფარგლებში დაგეგმილ პროექტებზე ისაუბრა. განახლებული ბიუჯეტით განხორციელდება მუნიციპალიტეტის შიდა საუბნო გზებისა და სასმელი წყლის რეაბილიტაცია, იალაღებზე ელექტროსადენების ქსელის მოწყობა, ჩირუხისა და გომის მთის ცენტრების კეთილმოწყობა.

გაგრძელდება ბაგა-ბაღების, ამბულატორიების, სპორტული მოედნების, მეწყერსაწინააღმდეგო ღონისძიებების, სოფლის სახლებისა და ცენტრების კეთილმოწყობა, დაგეგმილია სარწყავი არხების რეაბილიტაცია. ყურადღება გაამახვილა ასევე სხვადასხვა უწყებების მიერ განსახორციელებელ პროექტებზე.

ტურისტული ინფრასტრუქტურა მოეწყობა ჩირუხის, ჯვარიმინდორისა და წისქვილების სოფლში. გაგრძელდება მოყვარული ველოსიპედისტებისთვის, ახალი ველობილიკის მოწყობა. ომარ ტაკიძემ, აღნიშნა რომ მუნიციპალიტეტში მაინც რჩება რიგი გამოწვევები, ამიტომ მნიშვნელოვანია გუნდური და ეფექტური მუშაობა, რომელიც ხელს შეუწყობს მუნიციპალიტეტის განვითარებასა და მოსახლეობის კეთილდღეობას", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა