აშშ-ის სახელმწიფო დეპარტამენტი მკაცრად გმობს თურქეთის პრეზიდენტის, რეჯეფ თაიფ ერდოღანის ანტისემიტურ განცხადებებს.

ამის შესახებ აშშ-ის სახელმწიფო დეპარტამენტის მიერ გავრცელებულ განცხადებაშია აღნიშნული.

მათივე ცნობით, აშშ ყველაფერს გააკეთებს, რათა ანტისემიტიზმს ებრძოლოს, რადგან ანტისემიტური ენისთვის ადგილი არ არსებობს.

„აშშ მკაცრად გმობს პრეზიდენტ ერდოღანის ბოლოდროინდელ ანტისემიტურ კომენტარს ებრაელ ხალხთან დაკავშირებით. მოვუწოდებთ პრეზიდენტ ერდოღანსა და თურქეთის სხვა ლიდერებს, თავი შეიკავონ წამქეზებლური სიტყვებისგან, რამაც შემდგომი ძალადობა შეიძლება გამოიწვიოს. მოვუწოდებთ თურქეთს, შეუერთდეს აშშ-ს კონფლიქტის დასრულების საქმეში. ანტისემიტური ენისთვის ადგილი არ არსებობს. აშშ ყველაფერს გააკეთებს, რათა ანტისემიტიზმს ებრძოლოს. ჩვენ სერიოზულად ვეკიდებით ძალადობას, რომელიც ხშირად თან ახლავს ანტისემიტიზმს“, - აღნიშნულია აშშ-ის სახელმწიფო დეპარტამენტის მიერ გავრცელებულ განცხადებაში.

შეგახსენებთ, რომ თურქეთის პრეზიდენტმა, რეჯეფ ტაიპ ერდოღანმა ისრაელი ღაზას სექტორზე განხორციელებული თავდასხმებისთვის გააკრიტიკა და „ტერორისტული სახელმწიფო“ უწოდა.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.