2021-05-17 16:14:15, 1227 ნახვა

---

უფლებადამცველი ორგანიზაციები ისრაელის მიერ მედიასაშუალებების ოფისებზე თავდასხმის გამო, სისხლის სამართლის საერთაშორისო სასამართლოს მიმართავენ

უფლებადამცველი ორგანიზაციები, „ამნესთი ინთერნეიშენალი“ და „რეპორტიორები საზღვრებს გარეშე“ ისრაელის მიერ მედიასაშუალებების ოფისებზე თავდასხმის გამო, სისხლის სამართლის საერთაშორიო სასამართლოს მიმართავენ.

ორგანიზაციების განცხადებით, სისხლის სამართლის საერთაშორისო სასამართლომ გამოძიება სამხედრო დანაშაულის კუთხით უნდა დაიწყოს.

„მედიასაშუალებებზე გამიზნულად თავდასხმა სამხედრო დანაშაულია“, - განაცხადა „რეპორტიორების საზღვრებს გარეშე“ გენერალურმა მდივანმა, კრისტოფ დელუარიმ.

შეგახსენებთ, რომ 15 მაისს ისრაელის ავიაციამ ღაზას სექტორის დაბომბა, რის შედეგადაც 12 სართულიანი შენობა ჩამოინგრა, სადაც „ასოშიეთიდ პრესისა“ და „ალ ჯაზირას“ ოფისები იყო განთავსებული.

შენობის დაბომბვის შესახებ შენობაში მყოფმა პირებმა დაახლოებით ერთი საათით ადრე გაიგეს, შენობის ევაკუაცია კი დროულად მოხდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი