ბენიამინ ნეთანიაჰუ - ოპერაცია გაგრძელდება მანამ, სანამ ისრაელში მშვიდობა და უსაფრთხოება არ აღდგება

2021-05-14 10:20:57, 1408 ნახვა

მსოფლიო

ეს ოპერაცია გაგრძელდება იქამდე, ვიდრე ისრაელის სახელმწიფოში მშვიდობა და უსაფრთხოება არ აღდგება, - ამის შესახებ ქვეყნის პრემიერ-მინისტრმა ბენიამინ ნეთანიაჰუმ განაცხადა.

როგორც მან აღნიშნა, ისინი ისრაელის ქალაქებში „ანარქიას“ არ შეეგუებიან.

„ისრაელის მოქალაქეებო, ჩვენ ორ ფრონტზე ვიბრძვით, მე განვაცხადე, რომ „ჰამასს“ და სხვა ტერორისტულ ორგანიზაციებს ძალიან დიდ საფასურს გადავახდევინებთ. ჩვენ ამას ვაკეთებთ და ასეც გავაგრძელებთ დიდი ძალით. ბოლო სიტყვები ჯერ არ თქმულა და ეს ოპერაცია გაგრძელდება იმდენ ხანს, რამდენიც საჭიროა ისრაელის სახელმწიფოში მშვიდობისა და უსაფრთხოების აღსადგენად. მეორე ფრონტი ისრაელის ქალაქებია, ვიმეორებ რაც დღეს ვთქვი, ჩვენ 100%-ით დავეხმარებით პოლიციას და სხვა უსაფრთხოების ძალებს რათა ისრაელის ქალაქებში აღვადგინოთ წესრიგი და სამართლია, ჩვენ არ შევეგუებით ანარქიას“, - განაცხადა ნეთანიაჰუმ.

შეგახსენებთ, რომ ისრაელი ღაზის სექტორზე საჰაერო და სახმელეთო თავდასხმებს ახორციელებს. ამასთან, გრძელდება მოძრაობა „ჰამასის“ სარაკეტო დარტყმები ისრაელის ქალაქებზეც.

Prime Minister Benjamin Netanyahu, tonight:
"We are dealing with a campaign on two fronts. The first front – Gaza. I said that we would exact a very heavy price from Hamas and the other terrorist organizations. pic.twitter.com/5eHS8QZ3Mv
— PM of Israel (@IsraeliPM) May 13, 2021