მეუფე იაკობი - როგორ გგონიათ, ოპოზიციის ლიდერები არ მოინდომებენ სასამართლოზე და ძალოვნებზე თავზე მოჯდომას? მოინდომებენ

2021-04-18 14:09:05, 679 ნახვა

საზოგადოება

როგორ გგონიათ ოპოზიციის ლიდერები არ მოინდომებენ სასამართლოზე და ძალოვნებზე თავზე მოჯდომას? მოინდომებენ, - ამის შესახებ ბოდბელმა ეპისკოპოსმა მეუფე იაკობმა საკვირაო ქადაგებისას განაცხადა.

როგორც სასულიერო პირი აცხადებს 2020 წელს ჩატარებული საპარლამენტო არჩევნები ხალხის სიკვდილის მიზეზი გახდა, რადგან პოლიტიკოსები ბიოლოგიური იარაღები გახდნენ.

„მერე პოლიტიკოსები აქეთ-იქით რომ დარბოდნენ, გაავრცელეს, ბიოლოგიური იარაღები გახდნენ. შედეგი რა იყო? სიკვდილი ხალხის და რა მივიღეთ? არა პარლამენტი. ზოგი იძახის შევალ ზოგი იძახის არ შევალ. ვინ ხარ რას გვამადლი შეხვალ თუ არ შეხვალ?

რომ არ გვინდოდეს არ გავიდოდით? მარა ვის გინდა რომ გახვიდე და გვერდში დაუდგე? კარვებით რამეს დაამარცხებ? მთელი მსოფლიო გეუბნება, რომ მიდით გააკეთეთ ისე თუ გინდათ ჩვენთან ურთიერთობა, რომ პარლამენტს წესით მოახდინეთ ცვლილებები.

როგორ გგონიათ, ოპოზიციის ლიდერები რომ ავიღოთ, არ მოინდომებენ სასამართლოზე ან ძალოვნებზე თავზე მოჯდომას? მოინდომებენ. იმიტომ, არ უნდათ პარლამენტში შესვლა რომ კანონები შეიცვალოს. კანონი და სისტემა თუ არ შეიცვალა არაფერი დალაგდება ჩვენთან“, - აცხადებს მეუფე იაკობი.