2021-04-16 18:47:21, 557 ნახვა
საზოგადოება
რუსთაველის თეატრმა მსახიობი ბესო ზანგური დროებით ყველა როლიდან მოხსნა
მსახიობი ბესო ზანგური დროებით ყველა როლიდან მოხსნეს, - ამის შესახებ 16 აპრილს გამოცემულ ოფიციალურ ბრძანებაშია აღნიშნული, რომელსაც ხელს თეატრის სამხატვრო ხელმძღვანელი, რობერტ სტურუა აწერს.
„თეატრის მსახიობი ბესიკ ზანგური მოიხსნას მიმდინარე რეპერტუარის სპექტაკლების ყველა როლიდან (მანამ სანამ არ გაირკვევა მისი ბრალეულობა კანონმდებლობის გათვალისწინებული წესით)“, - წერია ბრძანებაში.
შეგახსენებთ, რომ რუსთაველის თეატრის მსახიობს, ბესო ზანგურს ყოფილი მეუღლე ნინუცა მაყაშვილი ძალადობაში ადანაშაულებს. როგორც მაყაშვილმა ტელეკომპანია „რუსთავი 2"-ზე გასულ გადაცემაში აღნიშნა, ყოფილი მეუღლე მასზე ხშირად ძალადობდა, მათ შორის, ორსულობის პერიოდშიც.
ავტორი: ექსპრესნიუსი,
epn.ge (@expressnews.ge)
