საქართველოს საპატრიარქოში მღვდელმთავრების შეკრება იმართება.

როგორც საპატრიარქოს საზოგადოებასთან ურთიერთობის ხელმძღვანელმა დეკანოზმა ანდრია ჯაღმაიძემ ჟურნალისტებს განუცხადა, დღევანდელ შეხვედრაზე დრო მიმდინარე მოვლენების განსჯასა და ჭყონდიდის ეპარქიაში ბოლო დროს განვითარებულ მოვლენებს დაეთმობა.

მისივე თქმით, დღევანდელ შეხვედრაზე არ იქნება მიღებული კონკრეტული გადაწყვეტილებები, ეს იქნება მსჯელობისა და განხილვის გარემო.

„დღეს საპატრიარქოში მღვდელმთავრები შეიკრიბებიან, ეს არ არის უჩვეულო შეკრება და არ არის პირველი პრეცედენტი. პერიოდულად ასეთი შეხვედრები იმართებოდა, თუმცა დღეს უფრო გაფართოებული იქნება ეს შეხვედრა. დაეთმობა დრო მიმდინარე მოვლენების განსჯას, მღვდელმთავრები იმსჯელებენ, მათ შორის ჭყონდიდის ეპარქიაში ბოლო დროს განვითარებულ მოვლენებზე. დღეს შედეგებს და გადაწყვეტილებებს არ უნდა ველოდოთ, ეს იქნება განხილვის და მსჯელობის გარემო“, - აღნიშნა დეკანოზმა ანდრია ჯაღმაიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა