2021-04-07 11:31:59, 710 ნახვა
სამართალი
ოკუპირებული გალიდან ზუგდიდში წამოსული 3 პირის ცხედარი იპოვეს, ერთის სამძებრო-სამუშაოები გრძელდება
ზუგდიდის მუნიციპალიტეტის სოფელ შამგონაში, მდინარე ენგურზე სამაშველო ღონისძიება მიმდინარეობს.
როგორც „ექსპრესნიუსს“ შინაგან საქმეთა სამინისტროში განუცხადეს, მდინარიდან უკვე ამოყვანილია სამი მოქალაქის ცხედარი და დამატებით, კიდევ ერთი მოქალაქის სამძებრო-სამაშველო ღონისძიება გრძელდება.
არსებული ინფორმაციით, მოქალაქეები ოკუპირებული გალიდან საქართველოს ცენტრალური ხელისუფლების მიერ კონტროლირებად ტერიტორიაზე გადმოსვლას მდინარის გადმოცურვით ცდილობდნენ.
შინაგან საქმეთა სამინისტროს ცნობით, გამოძიება სისხლის სამართლის კოდექსის 143-ე და 115-ე მუხლით მიმდინარეობს.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
