ევროკავშირი უკრაინის საზღვრებთან რუსი სამხედროების მობილიზების გამო, შეშფოთებას გამოთქვამს

2021-04-05 11:37:54, 1448 ნახვა

მსოფლიო

ევროკავშირი უკრაინის საზღვრებთან რუსი სამხედროების მობილიზების გამო, შეშფოთებას გამოთქვამს, - ამის შესახებ ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, ჟოზეფ ბორელი „ტვიტერში“ წერს.

აღნიშნულ საკითხს ჟოზეფ ბორელი სოციალურ ქსელში მას შემდეგ გამოეხმაურა, რაც უკრაინის საგარეო საქმეთა მინისტრ დმიტრი კულებასთან სატელეფონო საუბრისას დონბასსა და ყირიმში რუსეთის დესტაბილიზაციის გამომწვევ ქმედებებზე ისაუბრა.

ბორელმა უკრაინის სუვერენიტეტისა და ტერიტორიული მთლიანობის მიმართ მხარდაჭერა გამოხატა და აღნიშნა, რომ რუსეთის ქმედებების საკითხს ევროპელი დიპლომატები უახლოეს დღეებში დაგეგმილ შეხვედრაზე განიხილავენ.

ცნობისთვის, უკრაინის შეიარაღებული ძალების მთავარსარდალმა რუსლან ხომჩაკმა განაცხადა, რომ რუსეთი ემზადება მომავალი სამხედრო სწავლებისთვის - „დასავლეთი 2021"-სთვის და ამის ფონზე, ის ცდილობს გაიყვანოს ჯარები უკრაინის საზღვართან - რუსეთის ფედერაციის ბრიანკის და ვოროეჟის რეგიონები, ასევე ოკუპირებულ ყირიმში.

Talked to Ukraine Foreign Minister @DmytroKuleba. Following with severe concern the Russian military activity surrounding Ukraine.

Unwavering EU support for???????? sovereignty & territorial integrity. Will further discuss with @DmytroKuleba and EU Foreign Ministers at next FAC.
— Josep Borrell Fontelles (@JosepBorrellF) April 4, 2021