სომხეთის პრემიერ-მინისტრმა, ნიკოლ ფაშინიანმა ქვეყნის პრეზიდენტ არმენ სარქისიანს გენშტაბის უფროსის გათავისუფლების მოთხოვნით კვლავ მიმართ.

ამის შესახებ ნიკოლ ფაშინიანმა „ფეისბუქის“ საკუთარ გვერდზე დაწერა.

როგორც ფაშინიანი აცხადებს, სომხეთის პრეზიდენტის მიერ გენშტაბის უფროსის გადადგომასთან დაკავშირებით უარი არსებული ვითარების მოგვარებას არ ეხმარება.

„დადგენილი პროცედურის შესაბამისად, რესპუბლიკის პრეზიდენტს მე კვლავ ვუგზავნი შუამდგომლობას გენშტაბის უფროსის თანამდებობიდან გადაყენების შესახებ, იმის მოლოდინით, რომ დადგენილი პროცედურის შესაბამისად, მას ხელი მოეწერება. დანარჩენი, როგორც ჩვენ შევთანხმდით გასულ დღეს რესპუბლიკის მოედანზე“, – დაწერა ფაშინიანმა.

შეგახსენებთ, რომ სომხეთის პრეზიდენტმა შეიარაღებული ძალების გენშტაბის უფროსის გათავისუფლების შესახებ გადაწყვეტილებას ხელი არ მოაწერა. სომხეთის პრეზიდენტმა გადაწყვეტილების მიღებამდე, კონსულტაციები გამართა.

„ადვოკატებისა და ექსპერტების მოსაზრებების შეჯამებით შეგვიძლია დავასკვნათ, რომ პროექტი აშკარად ეწინააღმდეგება კონსტიტუციას“, – ნათქვამია პრეზიდენტის ადმინისტრაციის განცხადებაში.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.