2021-01-31 17:04:22, 510 ნახვა

---

აშშ-ს სახელმწიფო მდივანი - ვგმობთ რუსეთის ხელისუფლების მკაცრ ტაქტიკას დემონსტრანტების მიმართ და მოვუწოდებთ ნავალნის გათავისუფლებისკენ

ვგმობთ რუსეთის ხელისუფლების მკაცრ ტაქტიკას დემონსტრანტების მიმართ და მოვუწოდებთ ნავალნის გათავისუფლებისკენ, - ამის შესახებ აშშ-ს სახელმწიფო მდივანმა ენტონი ბლინკენმა საკუთარ „ტვიტერის“ გვერდზე დაწერა.

ბლინკენის განცხადებით, ალექსეი ნავალნი და მისი მომხრეები საკუთარი უფლებებისთვის ბრძოლის გამო დააკავეს.

„აშშ გმობს მშვიდობიანი საპროტესტო აქციის მონაწილეთა და ჟურნალისტთა წინააღმდეგ მკაცრი ტაქტიკის მუდმივ გამოყენებას რუსეთის ხელისუფლების მხრიდან ზედიზედ მეორე კვირის განმავლობაში. კვლავაც მოვუწოდებთ რუსეთს, გაათავისუფლოს საკუთარი უფლებების დაცვისთვის დაკავებულები, კერძოდ კი ალექსეი ნავალნი“, - წერს ენტონი ბლინკენი „ტვიტერში“.

შეგახსენებთ, რომ რუსეთში აქციის 2000-მდე მონაწილე დააკავეს და დაკავებულებს შორისაა ალექსეი ნავალნის მეუღლე იულია ნავალნაიაც.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი