აიათოლა ალი ხამენეი ჟურნალისტ რუჰოლა ზამის მკვლელობის ორგანიზატორია - რეპორტიორები საზღვრებს გარეშე

2020-12-13 15:19:24, 1145 ნახვა

მსოფლიო

ირანის სულიერი ლიდერი აიათოლა ალი ხამენეი ჟურნალისტ რუჰოლა ზამის მკვლელობის ორგანიზატორია - ამის შესახებ, "რეპორტიორები საზღვრებს გარეშე"

#Iran: AmadNews editor #Rohollah_Zam was executed this 12/12. RSF is outraged at this new crime of Iranian justice and sees @ali_khamenei as the mastermind of this execution. RSF had warned @mbachelet and @JavaidRehman about his possible execution since the 23rd of October pic.twitter.com/sRGZRFxe95

— RSF (@RSF_inter) December 12, 2020 ">გავრცელებულ განცხადებაში წერია.
"ჟურნალისტ რუჰოლა ზამის სიკვდილით დასჯა, არის ირანის მართლმსაჯულების მორიგი დანაშაული, რომელსაც ირანის სულიერი ლიდერი აიათოლა ალი ხამენეი ხელმძღვანელობს" - წერია განცხადებაში.
ჟურნალისტის სიკვდილით დასჯის მკვეთრი კრიტიკით, გამოვიდნენ საფრანგეთის გერმანიის და ნიდერლანდების მთავრობები.
"გერმანიის ხელისუფლება შოკირებულია, Amadnews ხელმძღვანელის, რუჰოლა ზამის სიკვდილით დასჯის გამო. ჩვენ თანაგრძნობას ვუცხადებთ, რეჟიმის მიერ მოკლული ჟურნალისტის ოჯახს და მეგობრებს. გერმანიის კანცლერი და მთავრობა, შოკირებულია იმ ფარსით რასაც სასამართლო ერქვა" - წერია გერმანიის მთავრობის ოფიციალურ პოზიციაში.
თეირანში რეჟიმის საგარეო უწყებამ, გერმანიის ელჩი დაიბარა.
ზამი Amadnews-ის ვებ-გვერდს ხელმძღვანელობდა. Amadnews-ი პოპულარული ანტი-სამთავრობო ფორუმია, რომელსაც ირანი 2017-2018 წლის აქციების ხელშეწყობაში ადანაშაულებს. საინფორმაციო ვებგვერდს 1.4 მილიონი გამომწერი ჰყავს Telegram-ზე. Amadnews-მა 2017-2018 წლების აქციების ამსახველი ვიდეო მასალა გაავრცელა. რის შემდეგაც ის ირანის მთავრობამ დაბლოკა.
რუჰოლა ზამი 2019 წლის ოქტომბერში დააკავეს, სიკვდილით დასჯა კი მიმდინარე წლის ივნისში მიუსაჯეს. ჟურნალისტი „გლობალურ კორუფციაში“, ჯაშუშობასა და ირანის მთავრობის დამხობის მცდელობაში დაადანაშაულეს.
რუჰოლა ზამი 12 დეკემბერს დილით, თეირანში ჩამოახრჩეს.

#Iran: AmadNews editor #Rohollah_Zam was executed this 12/12. RSF is outraged at this new crime of Iranian justice and sees @ali_khamenei as the mastermind of this execution. RSF had warned @mbachelet and @JavaidRehman about his possible execution since the 23rd of October pic.twitter.com/sRGZRFxe95
— RSF (@RSF_inter) December 12, 2020