საფრანგეთის ყოფილი პრეზიდენტი კორონავირუსით გარდაიცვალა

2020-12-03 10:26:30, 916 ნახვა

მსოფლიო

საფრანგეთის ყოფილი პრეზიდენტი, ვალერი ჟისკარ დ’ესტეინი 94 წლის ასაკში კორონავირუსით გარდაიცვალა.

ამის შესახებ „გარდიანი“ წერს.

გამოცემის ცნობით, ის საავადმყოფოში რესპირატორული პრობლემების გამო მოათავსეს, ხოლო კლინიკიდან ნოემბრის შუა რიცხვებში გაწერეს.

საფრანგეთის ყოფილი პრეზიდენტი ვირუსთან დაკავშირებული გართულებების გამო, საკუთარ სახლში გარდაიცვალა.

„მისი ჯანმრთელობის მდგომარეობა გაუარესდა და იგი კორონავირუსის შედეგად გარდაიცვალა“, - აცხადებენ ჟისკარდის ოჯახის წევრები.

ვალერი ჟისკარ დ’ესტეინი საფრანგეთის პრეზიდენტი 48 წლის ასაკში გახდა. სწორედ მისი პრეზიდენტობის პერიოდში დაუშვეს ქვეყანაში განქორწინება და აბორტის ლეგალიზება.

ავტორი: სალომე მაჭავარიანი, ექსპრესნიუსის რეპორტიორი 2019 წლიდან