2020-11-20 17:49:21, 365 ნახვა

---

ვაჟა სირაძის განცხადებით, წერეთელზე მიკროსაფინანსო ორგანიზაციაში თავდამსხმელმა 9 მძევალი აიყვანა

საპატრული პოლიციის უფროსის, ვაჟა სირაძის განცხადებით, წერეთლის გამზირზე არსებულ მიკროსაფინანსო ორგანიზაციაში, სადაც შეიარაღებული პირი შეიჭრა, 9 მძევალია აყვანილი.

მანვე დაადასტურა, რომ თავდამსხმელია ერთი პირი.

„წერეთლის გამზირზე მოხდა შეიარაღებული თავდასხმა ერთ-ერთ მიკროსაფინანსო ორგანიზაციაში. ადგილზე იმყოფება პოლიცია. ჩვენს ხელთ არსებული ინფორმაციით, მიკროსაფინანსო ორგანიზაციაში არის 9 მძევალი და ერთი შეიარაღებული პირი. გამოძიება დაწყებულია. რაც შეეხება შეიარაღებას, ამ ეტაპისთვის, მეტ ინფორმაციას ვერ მოგაწოდებთ“, - განაცხადა სირაძემ.

---

ავტორი: მერი ტაბატაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი