შინაგან საქმეთა სამინისტროში, ზუგდიდში, „საქართველოს ბანკში“ შეიარაღებული მოქალაქის შეჭრასთან დაკავშირებით ბრიფინგი გაიმართა.

როგორც შს მინისტრის, ვახტანგ გომელაურის ერთ-ერთმა მოადგილემ განაცხადა, უწყება აკეთებს ყველაფერს, რათა მძევლად აყვანილი მოქალაქეების ჯანმრთელობა და უსაფრთხოება მაქსიმალურად იყოს დაცული.

მანვე მოუწოდა მედიასაშუალებებს, უსაფრთხოების დაცვის მიზნით, ასევე ასევე საპოლიციო ღონისძიებების ეფექტიანად წარმათვის მიზნით მოხდეს ლაივ სიგნალის გათიშვა/შეზღუდვა, წინააღმდეგ შემთხვევაში კი, სახელმწიფო გამოიყენებს კანონმდებლობით არსებულ ბერკეტებს აღნიშნულის უზრუნველსაყოფად.

„როგორც თქვენთვის ცნობილია, ზუგდიდში უმძიმეს შემთხვევასთან გვაქვს საქმე, მძევლად არიან აყვანილნი ჩვენი მოქალაქეები, შეტყობინებისთაავე შსს-მ დაიწყო გამოძიება და ტარდება გადაუდებელი ოპერატიულ-საგამოძიებო-სამძებრო ღონისძიებები.

შსს აკეთებს მაქსიმუმს, რათა მძევლად აყვანილი მოქალაქეების ჯანმრთელობა და უსაფრთხოება იყოს მაქსიმალურად დაცული და დროულად მოხდეს მათი გათავისუფლება.

სამწუხაროდ დაფიქსირდა შემთხვევები, როდესაც რამდენიმე მედიასაშუალებამ პირდაპირ ეთერში ჩართო დამნშავე, რაც პირდაპირ საფრთხეს უქმნის სამართალდამცავი სტრუქტურების მოქმედებას და ღონისძიებების წარმართვის ეფექტიანობას.

აღნიშნულიდან გამომდინარე, ყველა მედიასაშუალებას, მათ შორის, მობილური ოპერატორებისგან მოვითხოვთ კატეგორიულად, მძევლების, სამართალამცველებისა და რიგითი მოქალაქეების უსაფრთხოების დაცვის მიზნით, ასევე საპოლიციო ღონისძიებების ეფექტიანად წარმათვის მიზნით მოხდეს ლაივ სიგნალის გათიშვა/შეზღუდვა.

წინააღმდეგ შემთხვევაში სახელმწიფო იყენებს უფლებას გამოიყენოს კანონმდებლობით არსებული ყველა ბერკეტი, რათა მოხდეს აღნიშნულის უზრუნველყოფა.

ჩვენ მაქსიმუმს გავაკეთებთ, რომ ეს მძიმე შემთხხვევა დამთავრდეს მშვიდობით და დაცული იყოს თითოეული“, - ამის შესახებ შს მინისტრის ერთ-ერთმა მოადგილემ, კახა საბანაძემ განაცხადა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა