ნათია თურნავა: უახლოეს დღეებში მივიღებთ Wizz air-თან რეგულარული ფრენების აღდგენის გადაწყვეტილებას

2020-09-17 14:33:23, 682 ნახვა

ეკონომიკა

ეკონომიკისა და მდგრადი განვითარების მინისტრის ნათია თურნავას განცხადებით, უახლოეს დღეებში იქნება მიღებული გადაწყვეტილება Wizz air-თან რეგულარული ფრენების აღდგენასთან დაკავშირებით.

მისივე თქმით, მიმდინარეობს აქტიური მოლაპარაკებები Ryanair-თანაც და წელს, აუცილებლად განხორციელდება მათთანაც ფრენები.

„სექტემბერის თვეში 90-ზე მეტი ფრენაა დაგეგმილი, უახლოეს დღეებში მივიღებთ გადაწყვეტილებას Wizz air-ის რეგულარული ფრენების, რა თქმა უნდა, ძალიან ფრთხილად და ეტაპობრივად აღდგენასთან დაკავშირებით, გარკვეული უსაფრთხო მიმართულებებით, ამაზე მოგვიანებით მოგახსენებთ, როდესაც გადაწყვეტილება იქნება მიღებული.

ასევე მიმდინარეობს ძალიან აქტიური მოლაპარაკება Ryanair-თან თუ რა თანმიმდევრობით აღდგება მათთანაც ფრენები, წელს რა თქმა უნდა ეს განხორციელდება“, - განაცხადა ნათია თურნავამ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან