უკრაინის საგარეო უწყება მოქალაქეებს ბელარუსში გამგზავრებისგან თავის შეკავებისკენ მოუწოდებს

2020-08-13 16:06:03, 1060 ნახვა

მსოფლიო

უკრაინის საგარეო საქმეთა სამინისტრო მოქალაქეებს ვითარების დასტაბილურებამდე ბელარუსში გამგზავრებისგან თავის შეკავებისკენ მოუწოდებს.

აღნიშნულის შესახებ საგარეო საქმეთა მინისტრმა დიმიტრი კულებამ ბრიფინგზე განაცხადა.

შეგახსნებთ, რომ ბელარუსში საპროტესტო აქციები მეოთხე დღეა მიმდინარეობს. მოქალაქეები საპრეზიდენტო არჩევნების შედეგებს აპროტესტებენ. ქვეყანაში გაიფიცნენ სამედიცინო სფეროს მუშაკები. ჯარისკაცები ადგილობრივების პროტესტს უერთდებიოან. სამსახური დატოვეს სამთავრობო ტელევიზიის თანამშრომლებმაც. აქციების პარალელურად სამართალდამცავები დემონსტრატების დაკავებას ახორციელებენ. ამ დრომდე 6 000-მდე პირი დააკავეს. მათ შორის არიან ჟურნალისტები, არასრულწლოვნები და უკრაინის მოქალაქეებიც.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან