სამადაშვილის განცხადებით, თუ რურუა არ გათავისუფლდება, „ნაციონალური მოძრაობა“ საკონსტიტუციო ცვლილებების მესამე მოსმენაში მონაწილეობას არ მიიღებს

2020-06-25 15:53:43, 1739 ნახვა

კომენტარი

„8 მარტის შეთანხმება არის შეთანხმება პოლიტიკურ გარემოზე, რომელიც ჩვენ ქვეყანაში უნდა შევქმნა“, - ამის შესახებ „ნაციონალური მოძრაობის” თავმჯდომარის მოადგილემ, სალომე სამადაშვილმა განაცხადა.

მისი თქმით, თუ რურუა არ გათავისუფლდება, „ნაციონალური მოძრაობა“ საკონსტიტუციო ცვლილებების მესამე მოსმენაში მონაწილეობას არ მიიღებს.

„გიორგი რურუას საქმე სცდება ერთი ადამიანი საკითხს და ერთი კონკრეტული სისხლის სამართლის საქმის შინაარსს. 8 მარტის შეთანხმება არის შეთანხმება პოლიტიკურ გარემოზე, რომელიც ჩვენ ქვეყანაში უნდა შევქმნათ. თუ ხელისუფლება უარს აცხადებს ამ შეთანხმების შესრულებაზე, რა თქმა უნდა, ჩვენ სხვა გამოსავალი არ გვრჩება, გარდა იმისა, რომ თავი შევიკავოთ მესამე მოსმენით კენჭისყრაში მონაწილეობისგან“,- განაცხადა სამადაშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან