2020-05-26 13:39:44, 1588 ნახვა

---

ბოკერია აუდიტის ანგარიშზე - ყველა ჩვენგანის ხარჯზე ხდება ჩვენი სახსრების გაფლანგვა და ამისთვის სამართლებრივად კი არა, პოლიტიკურადაც არავინ აგებს პასუხს

„ყველა ჩვენგანის ხარჯზე ხდება ჩვენი სახსრების გაფლანგვა და ამისთვის სამართლებრივად კი არა, პოლიტიკურადაც არავინ აგებს პასუხს, ასე უყურებენ ისინი ყველაფერს“, - ასე გამოეხმაურა „ევროპული საქართველოს“ ერთ-ერთი ლიდერი, გიგა ბოკერია აუდიტის ანგარიშს.

მისი თქმით, ეს არის კიდევ ერთი მაგალითი როგორი მავნებლურია ეს მიდგომა, როცა ნებისმიერი მთავრობა, და განსაკუთრებით ეს მთავრობა თვლის, რომ ბიზნესზე, მეწარმეებზე, ადამიანებზე უკეთ შეუძლია განკარგოს ჩვენი ფული.

 „ყველა ჩვენგანის ხარჯზე ხდება ჩვენი სახსრების გაფლანგვა და ამისთვის სამართლებრივად კი არა, პოლიტიკურადაც არავინ აგებს პასუხს, ასე უყურებენ ისინი ყველაფერს. ეს არის კიდევ ერთი მაგალითი როგორი მავნებლურია ეს მიდგომა, როცა ნებისმიერი მთავრობა, და განსაკუთრებით ეს მთავრობა თვლის, რომ ბიზნესზე, მეწარმეებზე, ადამიანებზე უკეთ შეუძლია განკარგოს ჩვენი ფული. მომავალში ჩვენი გადასახდელი ფულის ხარჯზე იღებენ სესხს და მერე ეს იფლანგება ან კორუფციულად რიგდება, არა აქვს მნიშვნელობა. კორუფციას რომც არ ჰქონდეს ადგილი, ეს არის დამღუპველი დამოკიდებულება“, - განაცხადა გიგა ბოკერიამ.

შეგახსენებთ, რომ სახელმწიფო აუდიტის სამსახურმა გამოაქვეყნა ანგარიში, სადაც ნათქვამია, რომ 2019 წელს 243 მლნ ლარის ოდენობის საგარეო ვალით დაფინანსებული 11 საინვესტიციო პროექტი 0%-ით შესრულდა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი