საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს იდეების კონკურსის გამარჯვებული პროექტი ცნობილია.  „CO-WORK“ ემსახურება  „COVID-19“ ინფექციით გამოწვეული ეკონომიკური საქმიანობის შეზღუდვების მოხსნის გამარტივებასა და შემდგომ მონიტორინგს.

იდეა მოიცავს დისტანციური ინსპექტირების ელექტრონული პროგრამის შექმნას, ობიექტის კონტროლის მექანიზმებსა და ნებართვის გაცემის შემდგომ მონიტორინგს. ორგანიზაციები და დასაქმებულები პროგრამის საშუალებით ავტომატურად გადიან შემოწმების კითხვარს და წარადგენენ დოკუმენტაციას,  რაც  მარეგულირებელ ორგანოს, საშუალებას მისცემს ადგილზე მიუსვლელად შეაფასოს არსებული მდგომარეობა, გასცეს ნებართვა და აწარმოოს შემდგომი მონიტორინგი. გამარჯვებული იდეის ავტორს 10 000 ლარი გადაეცა.

საქართველოს ინოვაციების და ტექნოლოგიების სააგენტომ COVID-19-თან დაკავშირებული ბიზნეს რეგულაციებისა და სამედიცინო რეკომენდაციების საფუძველზე, საწარმოთა ინსპექტირების პროცესის ეფექტურობის გასაზრდელად და შემოწმების პროცედურის დასაჩქარებლად კონკურსი 2020 წლის 16 აპრილს  გამოაცხადა. იდეების კონკურსში საერთო ჯამში 150-მდე განაცხადი შემოვიდა, კონკურსში მონაწილეთა იდეების პრეზენტაციებს ჟიური ორი დღის განმავლობაში ისმენდა.

იდეების კონკურსში მონაწილეობა ინოვაციებითა და ტექნოლოგიებით დაინტერესებულ ნებისმიერ ადამიანს შეეძლო, განაცხადების მიღება 29 აპრილის ჩათვლით იყო შესაძლებელი. გამარჯვებული იდეის  განხორციელებაზე მუშაობას სახელმწიფო დაიწყებს კონკურსის მონაწილის ჩართულობით. იდეების კონკურსის დახმარებით სახელმწიფო შეძლებს ინოვაციური გადაწყვეტილებებით  გაამარტივოს ნებართვების გაცემის პროცესი და   შეიქმნას შემდგომი მონიტორინგის მექანიზმები.

ავტორი: NS (სტატია დაფინანსებულია),

სოციალური ქსელები

სალია - პატიმრის შემოწმებასა და დათვალიერებას, ამ პროცედურას კი გიორგი დავითაძე ეწინააღმდეგებოდა

მოსკოვში მიტინგზე დაახლოებით 60 ადამიანი დააკავეს, რომლებიც სკანდირებდნენ „სამართლიანი არჩევნებისთვის“ და „ძირს მეფე“

სალია პატიმარ დავითაძეზე - გამოძიება დაადგენს, იყო თუ არა გამოყენებული პროპორციული ძალა

ოცნების პარლამენტმა კვლავ უარყო სკოლებში უფასო კვების შესახებ კანონპროექტი