„მთავრობა, ხელისუფლება მოქმედებს მაქსიმალურად ოპერატიულად იმისთვის, რომ ეკონომიკური და სოციალური პრობლემები გადაიჭრას“, - ამის შესახებ საპარლამენტო უმრავლესობის წევრმა, „ქართული ოცნების“ აღმასრულებელმა მდივანმა ირაკლი კობახიძემ ტელეკომპანია „რუსთავი-2"-ის ეთერში განაცხადა.

კობახიძემ მთავრობის მიერ გაცხადებულ სოციალურ და ეკონომიკურ პროგრამებზე ისაუბრა, რომლის მიხედვით, საზოგადოების ყველაზე მოწყვლადი ნაწილისთვის კომუნალური გადასახადების კომპენსაცია დაწესდება.

მისი თქმით, სერიოზული გამოწვევები ძირითადად ორი - ჯანდაცვის და ეკონომიკის მიმართულებითაა და ხელისუფლება ზრუნავს პრობლემების მაქსიმალურად გადასაჭრელად.

„ინიციატივა, რომელიც დღეს  პრემიერ-მინისტრის მხრიდან გახმოვანდა იყო ძალიან მნიშვნელოვანი. საუბარია პირველ რიგში ზოგად პარამეტრებზე, ეკონომიკის და სოციალურ ნაწილში რა პარამეტრების ფარგლებშია აუცილებელი ჩარევა და ამის ერთ-ერთი შემადგენელი ნაწილია ის დახმარება, რომელსაც ჩვენი მოქალაქეები, საზოგადოების ყველაზე მოწყვლადი ფენა სახელმწიფოსგან მიიღებს.  200 კილოვატი  ელექტროენერგიის და 200 კუბური მეტრი ბუნებრივი აირის ფარგლებში მოხმარების შემთხვევაში მოსახლეობა სახელმწიფოსგან  მიიღებს დახმარებას, მათ სრულად დაუკომპენსირდებათ შესაბამისი ხარჯები და აღარ გადაიხდიან კომუნალურ გადასახადს“, - განაცხადა ირაკლი კობახიძემ.

მისი თქმით, ეს იყო პირველი მყისიერი ნაბიჯი, რომელიც მთავრობის მხრიდან სოციალური დახმარების მიმართულებით გადაიდგა და ეს არის მთავრობის სწორი გეგმა.

„რაც შეეხება სხვა მიმართულებებს, პრემიერმა დღეს განაცხადა, რომ მთლიანობაში 2 მილიარდი ლარი დაიხარჯება ეკონომიკური და სოციალური პრობლემების მაქსიმალურად გადასაჭრელად. აქ სიჩქარე არ იქნება სწორი,  ჩვენ პირველ რიგში უნდა დავაკვირდეთ მოვლენების განვითარებას. მნიშვნელოვანია, ზუსტად დავაიდენტიფიციროთ პრობლემები და ამის შემდეგ უკვე 2 მილიარდი ხარჯვის გადანაწილება იქნება სწორედ განსაზღვრული. ეს არის მთავრობის ძალიან სწორი ხედვა და გეგმა. სოციალური კომპენსაციების გარდა დანარჩენი თანხები დაიხარჯება იმის მიხედვით თუ რა სახის პრობლემების იდენტიფიცირება მოხდება მთავრობის მხრიდან. 15 აპრილისთვის გვექნება მარტის მონაცემები, რაც მოგვცემს საფუძველს გავიანგარიშოთ, თუ სად არის ყველაზე მეტი პრობლემა და  ყველაზე მეტად ჩარევა საჭირო. ზედმეტი სიჩქარე, ბუნებრივია, არ იქნება სწორი. მთავრობა, ხელისუფლება მოქმედებს მაქსიმალურად ოპერატიულად იმისთვის, რომ ეკონომიკური და სოციალური პრობლემები გადაიჭრას“, - განაცხადა ირაკლი კობახიძემ.​

ავტორი: ექსპრესნიუსი,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება