ოფიციალური მოსკოვი, ამერიკის შეერთებული შტატების მიერ დაკისრებული სანქციების გამო, მზადაა ქვეყნიდან 30 ამერიკელი დიპლომატი გააძევოს, - ამის შესახებ BBC იუწყება. 

მედია საშუალების ინფორმაციით, რუსეთის ტერიტორიიდან 30 ამერიკელ დიპლომატს გააძევებენ და ამერიკელების კუთვნილებას ყადაღა დაედება. მსგავსი ზომები რუსეთმა ვაშინგტონის გადაწყვეტილების სამასუხოდ მიიღო, რომელსაც რუსული საელჩო გასული წლის დეკემბრიდან აქვს დაკავებული. 

მედიის ცნობით, აღნიშნული საკითხი, ვლადიმერ პუტინისა და დონალდ ტრამპის შეხვედრის დროსაც ვერ მოგვარდა. 

შეგახსენებთ, რომ 14 ივნისს, 98-მა კონგრესმენმა მხარი დაუჭირა რუსეთის წინააღმდეგ სანქციების გაფართოებას. პაკეტის დამტკიცების შემთხვევაში, ამერიკულ კომპანიებსა და კერძო პირებს რუსულ ბანკებში ფულის დაკრეტიდების უფლება მხოლოდ 14 დღის განმავლობაში ექნებათ. ამ დროისთვის ეს ვადა 90 დღეა. 30 დღემდე შეიზღუდება ასევე რუსული ენერგოკომპანიების დაფინანსების ვადები. ამ დოკუმენტში მთავარი ის არის, რომ ქვეყნის პრეზიდენტს სანქციების მოხსნის უფლება არ ექნება, რასაც თავის დროზე თეთრი სახლი აპროტესტებდა. აშშ-ის ხელისუფლებამ 20 ივნისს რუსეთის მიმართ სანქციები გააფართოვა და სიას 19 ფიზიკური პირი და 19 კომპანია შემატა, რომელიც "უკრაინაში რუსეთის ქმედებებთანაა" კავშირში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო