საქართველოს იუსტიციის მინისტრი თეა წულუკიანი ბიზნესმენ ბესიკ ხარძიანის
მკვლელობის გამო მწუხარებას გამოთქვამს.

როგორც წულუკიანმა ჟურნალისტებს განუცხადა, დამნაშავის გამოსავლენად გამოძიება 24 საათიან რეჟიმში მიმდინარეობს.

მინისტრი იმედოვნებს, რომ გამოძიება საქმეს მალე გახსნის და დამნაშავეები კანონის შესაბამისად დაისჯებიან.

 „ხარძიანის საქმეზე გამოძიება ინტენსიურად მიმდინარეობს, როგორც ეს არაერთხელ ითქვა. იმედი მაქვს, რომ შედეგები ძალიან მალე დაიდება. რაც შეეხება ხარძიანის ამ საზარელ პირობებში მკვლელობას, დიდ გულისტკივილს გამოვხატავ და მის ოჯახს ვუსამძიმრებ, რომლის არაერთი წევრი ჩემთან ერთად ნაძალადევში იყო უსამართლობის წინააღმდეგ ბრძოლაში ჩართული. მათი ტრაგედია ჩემი ტრაგედიაც არის. დანარჩენი, უნდა დაველოდოთ სამართალდამცავების საქმიანობის შედეგს, რომელიც 24 საათიან რეჟიმში მიმდინარეობს. იმედი მაქვს,  დამნაშავეების ვინაობა მალე გვეცოდინება და მათ მიეზღვევათ ის ადეკვატური, რაც ეკუთვნით“,– აღნიშნა წულუკიანმა.

ცნობისთვის, ბიზნესმენი ბესიკ ხარძიანი  რამდენიმე დღის წინ საკუთარი სახლის სადარბაზოში მოკლეს, მას უცნობმა პირმა ცეცხლსასროლილი იარაღიდან ესროლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება