ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ საბერძნეთის საგარეო საქმეთა ალტერნატიულ მინისტრთან ევროპულ საქმეებში ნიკოლაოს ხუნდისთან, საბერძნეთის პარლამენტის ეროვნული თავდაცვისა და საგარეო საქმეთა კომიტეტის თავმჯდომარესთან გეორგიოს ვარემენოსთან და საბერძნეთის პარლამენტის საქართველოსთან საპარლამენტთაშორისო მეგობრობის ჯგუფის წევრთან ოლგა იეროვალისისთან („სირიზა“) ორმხრივი შეხვედრები გამართა. შეხვედრები ქ.ათენში სახელმწიფო მინისტრის სამუშაო ვიზიტის ფარგლებში გაიმართა. 

დავით ბაქრაძემ მადლობა გადაუხადა ბერძნულ მხარეს საქართველოს ევროპული და ევროატლანტიკური მისწრაფებების, საქართველოს სუვერენიტეტისა და ტერიტორიული მთლიანობის ურყევი მხარდაჭერისთვის.

შეხვედრებზე მხარეებმა საქართველოს ევროკავშითან ინტეგრაციის აქტუალური საკითხები განიხილეს. კერძოდ, ამ კონტექსტში ყურადღება გამახვილდა რიგის აღმოსავლეთ პარტნიორობის სამიტითვის მზადებასა და მოლოდინებზე. სახელმწიფო მინისტრმა ხაზგასმით აღნიშნა, რომ წარმატებით მიმდინარეობს ევროკავშირთან ასოცირების შეთანხმების, ვიზა ლიბერალიზაციის სამოქმედო გეგმის იმპლემენტაციის პროცესი და სამიტზე ქვეყანა შესრულებული ვალდებულებებით წარსდგება და შესაბამისად,  საქართველოს მიერ დემოკრატიული რეფორმების კუთხით დაფიქსირებული პროგრესი ადექვატურად აისახება სამიტის გადაწყვეტილებებში. 

სახელმწიფო მინისტრმა იმედი გამოთქვა, რომ ასევე წარმატებით გაგრძელდება და რიგის სამიტამდე დასრულდება ევროკავშირის წევრი ქვეყნების, მათ შორის საბერძნეთის, საკანონმდებლო ორგანოების მიერ ასოცირების შეთანხმების რატიფიკაციის პროცესი.

შეხვედრებზე განსაკუთრებული ყურადღება დაეთმო საქართველოს მოქალაქეებისთვის ევროკავშირში უვიზო მიმოსვლის შესახებ დადებითი რეკომენდაციის მიღების მნიშვნელობას. სახელმწიფო მინისტრმა აღნიშნა, რომ დადებითი გადაწყვეტილება იქნება პოზიტიური მესიჯი საქართველოს მოსახლეობისთვის, მათ შორის ოკუპირებულ ტერიტორიებზე მცხოვრები მოქალაქეებისთვის.

თავის მხრივ, ბერძნული მხარის წარმომადგენლებმა დაადასტურეს ევროკავშირში ინტერგაციის პროცესში საქართველოს სრული მხარდაჭერა.  აღინიშნა, რომ საბერძნეთის ხელისუფლება ინფორმირებულია ქართული მხარის მიერ ვიზების ლიბერალიზაციის სამოქმედო გეგმის წარმატებით შესრულების შესახებ და შესაბამისად, საბერძნეთის ხელისუფლება მხარს დაუჭერს ა3ღნიშნულ საკითხში საქართველოსთვის დადებით  გადაწყვეტილებას. 

ვიზიტის ფარგლებში, ასევე, გაიმართა დავით ბაქრაძის შეხვედრები ადგილობრივი ტელე, რადიო და ბეჭდური მედიის წარმომადგენლებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება