„ეს იყო და არის ალბათ, უდიდესი კორუფციული ფაქტი საქართველოს ისტორიაში“, - ამის შესახებ იურიდიულ საკითხთა კომიტეტზე გენერალური პროკურორობის კანდიდატმა ირაკლი შოთაძემ განაცხადა, რითიც გამოეხმაურა „ევროპული საქართველოს“ ლიდერის, გიგი უგულავას მიმართ გამოტანილ განაჩენს.

როგორც შოთაძემ აღნიშნა, 48 მილიონი ლარიდან, რომლის გაფლანგვასაც გამოძიება ედავებოდა გიგი უგულავას, 16 მილიონი დაირიცა პლასტიკურ ბარათებზე, დანარჩენი კი პარტიასა და პარტიულ ინტერესებს მოხმარდა.

„ამ შემთხვევაში, მე შემიძლია გარკვეული დაზუსტება შევიტანო, რომ 16 მილიონიც და დარჩენილი თანხაც, მოხმარდა პარტიას და პარტიულ მიზნებს და ფაქტი, რომ ვიღაცეებზე დამზადდა პლასტიკური ბარათები, სადაც ჩაირიცხა 14 მილიონი იყო ამ გაფლანგვის ჩადენის ხერხი, დანარჩენი თანხა გამოტაილი იქნა ბანიდან, „ლიბერთი ბანკიდან“ მაღალი თანამდებობის პირების მიერ და ნაღდი ვალუტის სახით დაიხარჯა პარტიული მიზნებისთვის. ეს იყო და არის, ალბათ უდიდესი კორუფციული ფაქტი საქართველოს ისტორიაში, არ შეიძლება არ გავიხსენოთ ყოფილი მერის მიერ ჩადენილი სხვა კორუფციული ფაქტები, რაზეც ასევეა დადგენილი განაჩენი. შემიძლია გაგახსენოთ „თბილსერვისის“ საქმე, სადაც მსგავსი მეთოდით მოხდა 5 მილიონამდე ლარის გამოყენება პარტიული მიზნებისთვის. ასევე მინდა გაგახსენოთ „სითი პარკის“ საქმე, რომელზეც ჯერჯერობით განაჩენი არ დამდგარა. აქაც მერიის მიერ შესაბამისი დარღვევებით ხდებოდა თანხების არამიზნობრივი ჩარიცხვა „სითი პარკისთვის“. აქ საუბარია 2 მილიონამდე ლარზე“, - განაცხადა შოთაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს