„4 აპრილს, 16:00 საათზე იქნება ძალიან დიდი აქცია, სადაც გამოვაცხადებთ ჩვენი საარჩევნო კამპანიის სტრატეგიას და მოქმედების ტაქტიკას“, - ამის შესახებ ფრაქცია „ნაციონალური მოძრაობის“ ლიდერმა გრიგოლ ვაშაძემ „ფორმულასთან“ საუბრისას განაცხადა.

მისი თქმით, მაჟორიტარული ოლქების ოპოზიციას უნდა ჰყავდეს ერთიანი კანდიდატი, რომელიც არ უნდა განიცდიდეს კონკურენციას სხვა ოპოზიციური პარტიებიდან.

„პირველი - ძალიან მნიშვნელოვანი შეთანხმებაა რეგიონებში გასვლა. იმისათვის, რომ კიდევ ერთხელ დაველაპარაკოთ საქართველოს მოსახლეობას და ავუხსნათ რა მნიშვნელობა აქვს მათ აქტივობას. ისე არაფერი არ გამოვა. მეორე - რეგიონებში გასვლა მოემსახურება იმ ამოცანას, რომ 4 აპრილს 16:00 საათზე იქნება ძალიან დიდი აქცია, სადაც გამოვაცხადებთ ჩვენი საარჩევნო კამპანიის სტრატეგიას და ჩვენი მოქმედების ტაქტიკას. მესამე ძალიან მნიშვნელოვანი ფაქტია ის, რომ აბსოლუტურად ყველა დგას ერთ აზრზე , სასწრაფოდ უნდა დავამთავროთ დაწყებული კონსულტაციები იმისათვის, რომ მაქსიმალურ რაოდენობაში მაჟორიტარული ოლქების ოპოზიციას ჰყავდეს ერთიანი კანდიდატი. ეს ერთიანი კანდიდატი არ უნდა განიცდიდეს კონკურენციას სხვა ოპოზიციური პარტიებიდან. უნდა იყოს დაპირისპირებული „ქართულ ოცნებასთან“, იმისათვის, რომ ერთი ხმა არ მიიღონ მათ და მინდა ხაზი გავუსვა და აღვნიშნო, რომ ვინც ამაზე უარს იტყვის, ის თამაშობს „ქართული ოცნების“ თამაშს“,  - განაცხადა გრიგოლ ვაშაძემ.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს