„ამაზე დიდი ხანია მიმდინარეობდა საუბარი და მე მივესალმები ამ კომუნიკაციას აშშ-სთან“, - ასე გამოეხმაურა დედაქალაქის მერი, კახა კალაძე მთავრობის მიერ  ლობისტურ კომპანიასთან ხელშეკრულების გაგრძელებას.

როგორც მერმა აღნიშნა, ზოგადად, ურთიერთობა კონგრესმენებთან და სენატორებთან ძალიან მნიშვნელოვანია.

„ამაზე დიდი ხანია მიმდინარეობდა საუბარი და მე მივესალმები ხელშეკრულების გაგრძელებას, ასევე ზოგადად ურთიერთობას კონგრესმენებთან, სენატთან, სენატორებთან. ძალიან მნიშვნელოვანია, იცით, რომ ამერიკა ჩვენი სტრატეგიული პარტნიორი ქვეყანაა, ჩვენ ძალიან ბევრ მნიშვნელოვან პროექტს ვახორციელებთ ერთობლივად და მე ამ კომუნიკაციას მივესალმები“, - განაცხადა დედაქალაქის მერმა.

კახა კალაძე კონგრესმენების კრიტიკასაც გამოეხმაურა და აღნიშნა, რომ საჭიროა მეტი კომუნიკაცია მათთან.

„რაც შეეხება კონგრესმენების წერილებს, საჭიროა მეტი კომუნიკაცია მათთან, უფრო მეტი ინფორმაციის მიწოდება და მისასალმებელია ის ვიზიტები, რომლებიც არის სამომავლოდ დაგეგმილი“, - აღნიშნა დედაქალაქის მერმა.

შეგახსენებთ, საქართველოს ხელისუფლებამ ლობისტურ კომპანია „Chartwell Strategy Group“-თან თანამშრომლობა განაახლა. ამის შესახებ ინფორმაციას აშშ-ის იუსტიციის დეპარტამენტი ავრცელებს. ხელშეკრულების ასლი, რომელიც აშშ-ის იუსტიციის ვებგვერდზეა გამოქვეყნებული, 2020 წლის 27 იანვრით არის დათარიღებული. ვებგვერდზე განთავსებული ინფორმაციის მიხედვით, დარეგისტრირებული პირი იმუშავებს აშშ-ისა და საქართველოს ორმხრივი ურთიერთობების განმტკიცებისთვის.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს