საკანონმდებლო ორგანოში  ფრაქცია „ნაციონალური მოძრაობის“ წევრი თინა ბოკუჩავა და უმრავლესობის დეპუტატი მამუკა მდინარაძე ერთმანეთს დაუპირისპირდნენ.

ბოკუჩავამ მდინარაძეს პარლამენტის შენობაში  პანკისის ხეობაში მოკლული თემირლან მაჩალიკაშვილის მამის, მალხაზ მაჩალიკაშვილი არ შემოშვების გამო უსაყვედურა.

ამასთან, მან „ქართული ოცნების“ დეპუტატს მალხაზ მაჩალიკაშვილზე საშვი დაშვება კატეგორიულად მოსთხოვა.  

მამუკა მდინარაძემ თინა ბოკუჩავას პროვოკატორი უწოდა და განაცხადა, რომ მას მალხაზ მაჩალიკაშვილით და გარდაცვლილი ადამიანით სპეკულირება პოლიტიკური მიზნებისთვის შეუძლია.

„არსებობს დადგენილება,  როდესაც პარლამენტის თავმჯდომარეს შეუძლია, არ შემოუშვას შენობაში ვინმე, თუ არის პროვოკაციების საფრთხე“, - აღნიშნა მამუკა მდინარაძემ.

თინა ბოკუჩავამ მამუკა მდინარაძეს მიმართა, რომ ის დეპუტატის მანდატს არ იმსახურებს.

„წამობრძანდი და დააშვებინე საშვი. რატომ არ უშვებთ პარლამენტში მაჩალიკაშვილს? არ იმსახურებ მანდატს. ნუ გიკანკალებს ხელები ... გიკანკალებს ხელი, ხმა და სინდისი“, -მიმართა თინა ბოკუჩავამ მამუკა მდინარაძეს.

ცნობისთვის, საკანონმდებლო ორგანოში ხმაური მას შემდეგ დაიწყო, რაც მალხაზ მაჩალიკაშვილი პარლამენტის შენობაში არ შეუშვეს. ამის თაობაზე ფრაქცია "ნაციონალური მოძრაობის" წევრმა თინა ბოკუჩავამ პარლამენტის თავმჯდომარესთან არჩილ თალაკვაძესთან შეხვედრა მოითხოვა, თუმცა მათ შორის შეხვედრა არ შედგა. 

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს