„წულუკიანმა დაარღვია კანონმდებლობა პერსონალური მონაცემების შენახვის შესახებ, როდესაც სრულიად უკანონოდ შეინახა და შემდეგ გაასაჯაროვა აღნიშული კადრები“, - ასე გამოეხმაურა სახალხო დამცველი ნინო ლომჯარია, ადამიანის უფლებათა კომიტეტის სხდომაზე იუსტიციის მინისტრის, თეა წულუკიანის მიერ სახალხო დამცველის პენიტენციის ეროვნული მექანიზმმის მონიტორინგის კადრების გასაჯაროვების საკითხს.

როგორც ლომჯარიამ აღნიშნა, ვიდეომასალაში არ ჩანდა სახალხო დამცველის მიერ კანონის დარღვევის ფაქტი, შესაბამისად მისთვის უცნობია, რა გახდა აღნიშნული ვიდეომასალის შენახვისა და დაარქივების საფუძველი.

„რაც შეეხება ორ ვიდეომასალას, სადაც ჩანს სახალხო დამცველის წარმომადგენელი როგორ ესაუბრება პატიმარს და როგორ მუშაობს დაწესებულებაში, რომელიც გუშინ ქალბატონმა წულუკიანმა საკომიტეტო სხდომაზე გაასაჯაროვა, მე ვფიქრობ, რომ ადგილი ჰქონდა კანონის არაერთგზის დარღვევას მისი მხრიდან. პირველ რიგში სახალხო დამცველის წარმომადგენლის შეხვედრა პატიმართან არის კონფიდენციალური ინფორმაცია და ქალბატონმა წულუკიანმა კანონის დარღვევით გაასაჯაროვა ეს ინფორმაცია, თანაც იმგვარად, რომ ჩვენი წარმომადგენლის სახე არ იყო დაფარული. არანაირი კანონდარღვევა ჩემი წარმომადგენლის მხრიდან არ ფიქსირდებოდა და შესაბამისად, სრულიად წარმოუდგენელია, რა გახდა ამ ინფორმაციის შენახვის და დაარქივების საფუძველი. მე ვფიქრობ, რომ ქალბატონმა წულუკიანმა დაარღვია პერსონალური მონაცემების შესახებ კანონმდებლობა, როდესაც სრულიად უკანონოდ შეინახა და შემდეგ გაასაჯაროვა აღნიშნული კადრები. ამიტომ ჩვენ მივმართავთ პერსონალური მონაცემების დაცვის სახელმწიფო ინსპექტორს, რომ თავისი კომპეტენციის ფარგლებში შეისწავლოს აღნიშნული ჩანაწერების გასაჯაროება და გამოიყენოს მის ხელთ არსებული სანქცირების მექანიზმი“, - განაცხადა ნინო ლომჯარიამ.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს