„ბურთი ოპოზიციის მოედანზეა. ველოდებით კონკრეტულ განხილვას ახალ მოდელთან დაკავშირებით“, - ამის შესახებ პარლამენტის თავმჯდომარემ, არჩილ თალაკვაძემ ჟურნალისტებთან საუბრისას განაცხადა.

როგორც პარლამენტის თავმჯდომარემ აღნიშნა, იმ შემთხვევაში, თუ ოპოზიცია არ დათანხმდება და ვერ მოხდება ახალ მოდელთან დაკავშირებით შეთანხმების მიღწევა, მაშინ არჩევნები არსებული, შერეული სისტემის ფარგლებში ჩატარდება.

„ჩვენ შეთავაზებული გვაქვს კომრომისული ვერსია ოპოზიციისთვის, სადაც მკვეთრად იზრდება პროპორციული მანდატების რაოდენობა და მკვეთრად მცირდება მაჟორიტარული მანდატების რაოდენობა. ასევე ვემზადებით დიალოგის მომდევნო რაუნდისთვის პოლიტიკურ ოპოზიციასთან და ვფიქრობ, რომ ჩვენ ვიქნებით მაქსიმალურად კონსტრუქციულნი რომ გარკვეულ შეთანხმებას მივაღწიოთ.

ბურთი ოპოზიციის მოედანზეა. მოლაპარაკების მომდევნო რაუნდში, ველოდებით კონკრეტულ განხილვებს ამ საკითხთან დაკავშირებით, თუ ოპოზიცია არ დათანხმდება და ვერ მოხდება ახალ მოდელთან დაკავშირებით შეთანხმების მიღწევა, მაშინ არჩევნები ჩატარდება არსებული, შერეული სისტემის ფარგლებში“, - განაცხადა არჩილ თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს